今次東京之旅嚟得好突然.... ..kah媽,高層都計劃係kahkah 開學之前去一次旅行, 因為9月開學之後就唔可以成日去旅行 .... 點知高層突然轉工成功,舊公司可以比佢早d走, 所以可以早d去旅行 !當然去東京係kah媽主意(因為要shopping), 但竟然高層都話要shop 一番, 咁就好啦, 一齊買買買......
講返出發之前一晚, kahkah 竟然瞓唔著,仲話自己好緊張, 最終攪到點幾先瞓, 真係比佢笑死.....
終於到咗出發之時, kahkah 當然好興奮, 一手拉住個喼, 一手攬住胡廸就出發....
上到機竟然見到朋友仔, 呢個世界真係細......飛機一起飛, kahkah 就瞓著啦.... 一路瞓瞓到落機真係好....kah媽都可以好好瞓一陣, 準備一落機就去血併.......
對上一次去東京已經係兩年前, 但對於kah媽嚟講真係好好好耐無去過....但我竟然仲認得d路 !
今次我哋都係住新宿, 因為方便shopping....一放底行李我哋就出發去shopping la...... kah媽shopping, 高層就同kahkah去玩具部玩.... 日本d百貨公司實在太好, 有好多嘢比小朋友玩, 而家長就可以坐埋一邊睇住佢哋, 咁kah媽就可以自己去shop一陣.......
行咗一陣已經大有收穫, kahkah買咗一大堆書, 又有得玩又有睇仲可以錄音添, kah媽高層都買咗好多衫.......真係快樂不知時日過,眨吓眼已經10點幾, 係時候要返酒店瞓覺,聽日我哋要去lalaport 玩呀 !
沒有留言:
張貼留言