準備開學

仲有幾日kahkah將會踏入一個新階段, 一個漫長嘅新階段......

除咗kahkah 要適應一個新開始, 就連kah媽, 高層都要改變大家嘅作息時間.....要告別過往夜瞓晏起嘅日子 !

新學期新開始.....所有嘢都係新嘅 ( 以前細個最期待呢d時間 ), 當然kahkah都一樣啦, 白鞋,運動鞋, 手巾仔, 頭夾...... 全部貼好名, 準備返學用 !

 

 

一號風球下嘅海洋公園

繼琴日kahkah表演完之後

今日雖然一號風球, 但我哋仍然繼續我哋嘅行程 ~向海洋公園出發 .....

因為今日係Alice姐姐嘅生日, 我哋一齊去海洋公園同佢慶祝.... 雖然打風, 但天氣都算ok, 有d風, 又唔係太曬......我哋由朝玩到晚......由於kah媽唔好機動遊戲,所以同kahkah一齊睇佢哋玩, 而kahkah話今次嚟嘅目的係要探朋友, 而佢嘅朋友就係國寶 ~安安佳佳 !所以係等一班大朋友玩機動遊戲嘅時候, 佢就不斷咁問幾時探朋友呀?

係探朋友之前, 睇吓海洋生物先啦! 次次嚟我哋都餵海獅食魚 !但由於唔啱時間, 今次無餵, 留返下次再餵過啦 !

大合照 !

睇完海洋生物之後我哋離開大隊, 去探kahkah d 朋友 luu....kahkah十分興奮, 唔知由幾時開始佢鍾意咗安安住住 ?

呢個彈彈波已變咗kahkah至愛, 仲唔比朱古力掂添 !

問kahkah玩得開唔開心, 佢話好開心, 因為探咗朋友, "渣" 咗船, 睇咗海豚表演,仲玩咗機動遊戲 ! 機動遊戲 ?????

kahkah所指嘅機動遊戲就係可以 360度會轉住上去睇風景嘅遊戲.... (因為佢見高層佢哋玩嘅遊戲係轉, 又會升到好高嘅, 所以佢覺得自己都係玩咗law)

離開海洋公園,我哋再一齊去食飯慶祝 !

嚟到就見到契媽同Russell 哥哥, 梗係要影張相啦  !

祝Alice姐姐生日快樂 !

日文進度

唔經唔覺, kahkah已經學咗日文幾個月啦.....近來佢成日係度扮日文老師, 好似講 外星語, 似日非日咁 !

 

kahkah已經學識人物稱呼, 顏色,

數1-10, 仲有部份水果名

進度唔錯 ,仲好叻無比返老師! 但佢最鍾意唱日文兒歌!

原本教開佢嘅日文老師要返日本luu, 所以一班小朋友圍住老師影相 !

所以kahkah會繼續學日文, 將來去日本靠哂佢 !

終於見到比比啦!

由比比啱啱出世約到依家終於都約到比比啦 ! 兩個小朋友一d都唔怕羞, 見面已經走埋一齊玩...... 比比同kahkah差唔多高咋.....

兩個細細粒, 玩得好投契.....

問比比眼唔眼瞓, 佢自己走咗上床扮瞓覺, 好攪笑.....

自從呢個公園嚟咗之後, d小朋友都大多數玩呢個多個玩玩具.....

呢幅相佢哋好似樣 !

比比要走luu, 兩個依依不捨! 下次再玩過啦 !

比比返屋企, 我哋就出發去同姑媽慶祝生日.....

唱生日歌比姑媽聽 !

黃油蟹

今日我哋嘅行程十分緊密.....

第一站我哋要去開家長會....我哋今日要9點鐘去到kahkah嘅學校.... 我哋差d又遲到.....好在去到仲未開始 !

學校安排得好好, 一位家長留係禮堂聽講座, 另一位家長就同小朋友一齊入課室認識班主任同同學仔.... 小朋友仲可以畫吓畫, 唱吓歌仔添......

 

 

一小時嘅家長會結束後, 我哋食個lunch返屋企抖一抖, 跟住要去返日文班luu....放咗日文班之後我哋約咗bb嚟屋企玩......kahkah成個大家姐咁照顧bb, 又同佢傾計, 可惜bb未識講嘢, 再過多幾個月佢就會追住一齊玩 !

kahkah今日8點幾起身, 當然要午睡一吓.....跟住兩個一齊Zzzzzzzzzz..............

鏡頭一轉, 見到大廚現身......

仲有我哋今日嘅主角 ~黃油蟹

係大廚幾吓手腳之後....我哋嘅晚餐已經準備好.....大廚今日嘅涼瓜炆斑球全場叫好, 最好大家連汁都唔放過 !

黃油蟹終於都出現啦, d　膏多到 .......yummy ! (kah媽最愛食海鮮 )

今日真係過得好充實.....大廚請你多d光臨....我哋會熄燈, 播音樂,等你一面欣賞幻彩永香江, 一邊煮餸 !

 

暑假完結前 ~ 台北之旅 3

仲有2 日係台灣, 行街當然唔少得.... 本來諗住去西門町逛吓, 但天氣實在太熱, 所以我哋都係去咗復興南路d街仔逛吓, 但都無咩行, 最後都係行返商場.....

去咗年輕版嘅欣葉~ 蔥花 , 炒米粉好好味 , 仲有蜂蜜綠茶 ! yummy！原來台灣ｄ蜂蜜綠茶好飲過珍珠奶茶!

食完lunch 同kahkah去咗101tower.... 再去書店睇吓書...咁又完成咗我哋日間嘅行程!

留多一晚我哋返HK , 高層就再留多兩日, 咁即係話kah媽又再次同kahkah單獨搭飛機..... 我哋預早咗去機場, 因為kah媽要去搵Hello Kitty......因為台北機場有個Hello Kitty候機室, 仲有遊樂場, 紀念品店添......

kahkah玩得幾開心 ! d 職員仲話之後Hello Kitty會開生日party, 可惜Hello Kitty嚟我哋就要上機....如果早d知道我哋就搭遲一班機啦 !

 

今次台灣之旅都玩得好開心, 應該係食得好開心先啱 !

 

暑假完結前 ~ 台北之旅 2

之後嗰幾日都係我哋倆個自由行, 因為高層要返工luu......

今日我哋倆個出發去小人國 (多啦A夢樂園)....

 

原本kah媽諗住放棄呢個行程, 同kahkah去baby boss 玩就算..... 因為去小人國嘅車程好遠,要成個幾鐘先到....但後來高層個同事好好叫司機車我哋去, 所以我哋就去咗探多啦A夢!

原來仲有埋水上樂園添....

先食個lunch, 跟住就開始今日嘅節目.....

食完飯出嚟個天黑哂, 仲落雨添......咁唯有去睇多啦A夢劇, 今次國語kah媽都聽得明.....

睇完半個鐘之後, 太陽伯伯出返嚟啦, 又可以繼續玩 !

先同靜香影相....

再去揸車, kahkah真係好大膽kah媽媽一齊玩過山車, 唔係話kah媽最驚玩機動遊戲, 好彩姐姐話佢唔夠高無得玩 !唔係kah媽都唔知點算.....

玩完室外再玩埋室內.....入面有kahkah最愛嘅 merri-go-around.....

坐多啦A夢火車去故事館.....

玩吓玩吓, 已經5點幾係時候走luu, kahkah唔捨得走!本來諗住離開前留d時間睇小人國, 點知突然傾盆大雨, 好彩有司機叔叔接我哋, 唔係都唔知點走 !

雖然呢個樂園係遠D, 不過都值得去.....

一上車, kahkah已經攰到瞓著咗, 瞓一瞓都好因為仲要出去食晚飯 !