復活節~cx buddies gathering @ 屋企

呢個復活節大部分日子都落雨...... 原定今日嘅郊遊日又要取消 !

不過唔緊要大家一樣咁開心 !

今日有Auntｙ Angela教大家整pizza !

成班小朋友好留心聽Aunty Angela講, 一步一步跟住做 !

kahkah嘅pizza!

焗製中....

yummy foods........

pizza 出爐 !

今日真係好齊人, 好開心呀, 由大住肚到依家,轉眼已經4年啦 ! Love u all !

食飽成班小朋友各自各精彩 !

見到呢幅相.... 感覺好得意 !

復活節 ~ gathering @莉嘉屋企

原本今日約咗同學仔去掘蛋, 點知落雨...... 行程有變, 雖然無得掘蛋,不過都係去西貢( 同學仔屋企 )

kah媽見大家無得掘蛋, 就買個蛋糕被佢哋吹吓candle開心吓 !

足足點咗4次candle ! 一人一次 ! 滿足哂佢哋嘅要求 !

kahkah同安兒最好朋友！

 

玩完大家仲一齊去布袋澳食海鮮....yummy！

復活節~廸士尼嘉年華

今個復活節約埋成班同學仔一齊去玩

大家先食個lunch buffet, 一去到見到成班同學仔kahkah十個開心!不過一見到卡通公仔就........喊 ,除咗daisy!

 

食咗一輪終於解開心鎖, 落去搵pluto !

大家食飽飽係時候去嘉年華 ! 五個妹妹企定定影相 !

嘉年華有好多嘢玩,跳彈床, 攤位遊戲, 沙灘波,揸車.....

不過成班妹妹玩來玩去都係跳彈床, 跳極都唔厭 !

快樂不知時日過, 話咁快太陽伯伯都落山啦, kah媽已經好攰,但成班妹妹仲未願意離開......不過唔走唔得, 因為仲有下一場等緊我哋 ! 

鏡頭一轉我哋已經去咗朗朗屋企 ..... aunty Ann教大家整復活蛋 !

一人一隻 !

加咗熱水, 蛋蛋靚哂 !

又去攪攪震

kahkah今日一早起身已經不斷問幾時出發, 點解佢咁緊張,咪因為佢又準備去史東哥哥到攪攪震 !

去到salon當然第一時間跟咗史東哥哥去餵魚, 不過當見到melody姐姐之後就跟住姐姐luuu.....因為呢10隻手指甲..... easter colour !

10隻手指靚哂, 當然又係時候要搵返史東哥哥啦  !

好似大人咁要照埋後面 !

再加埋呢個特別為佢設計嘅髮型, 靚哂 !每次都要攪住史東哥哥幾個鐘 , 真係唔好意思 ! 再遲幾年可能kahkah自己識上去扮靚 ! kahakh真係要錫高層多d !如果唔係....... 

打攪完史東哥哥, 跟住又去搵Russell 哥哥一齊食拉麵 !

我哋今日好好彩, 估唔到5點幾仲可以食到, 200碗最後嘅3碗 !

食飽飽去shopping跟住再滙合高層食飯, shopping queen 又有收穫 !

溜冰鞋

做咩事呢位小朋友咁開心, 咪就係收到Aunty Rita送比佢嘅溜冰鞋 !

唔經唔覺, kahkah學溜冰就快一年啦, 佢依家學緊轉圈, 所以每次去學溜冰都要求著裙仔, 佢話轉圈會好靚喎 ! 貪靚妹!

見到佢每次溜冰都咁開心 ! 真係好啦  !

學校活動

由於今日夜晚學校有音樂會,唔想kahkah咁攰, 所以今日只學日文,唔學溜冰! 不過返屋企之前都去食杯smile, 跟住先返屋企眠一眠 !

去到音樂會, kahkah以為好似新年一樣有份唱歌仔.....係咁問幾時到佢, 好可惜 sorry 啦今次無你份啦 ! 不過佢仍然好投入, 係小朋友世界入面, 一切都好純真,好簡單.....但其實係現實世界唔係咁 .......好恐怖呀 !

kah媽又點會唔知呢個世界係咁呀, 不過無諗到咁細個就開始會接觸到 ! 可悲 !

放學後好去處 ~遊博物館

今日放學校又同同學仔一齊去玩, 睇pixar展覽

雖然展覽品大都係圖畫同文字,但由於有toystory公仔所以呢班妹妹都有小小興趣.....kahkah仲用大會所派嘅書仔周圍對公仔 

點解突然咁投入, 因為播放toystory動畫 .......

睇完pixar展覽館, 一班妹妹去咗兒童探索館, kah媽相信佢哋鍾意呢度多 d  !

病癒, 赤柱遊

 雙眼皮=病, 一見到kahkah雙眼皮就慘啦 !

今次kahkah一病病咗幾日, 仲要晏晝精力充沛, 但一早一晚就發燒, 攪到kah媽無得瞓........今日見佢無哂事, 即刻要出去吸吓新鮮空氣 (其實係kah媽悶咗咁多日要出去逛吓街嘅藉口)

好返哂,雙眼皮都無埋 ! Good !　仲發現kahkah高咗幾cm !

咁高興同高層飲杯慶祝！

 

我都係唔要kahakh雙眼皮啦, 我都係要一個健康小寶貝 !