化完妝, kahkah 又去下一站~ 壽司店
壽司店唔洗排隊, 所以一嚟就可以換衫玩, 點知大小姐換完衫之後唔玩
係都要出去, 姐姐係咁"挨"佢都唔肯, 原來佢眼瞓....一上bb車就瞓著luu(隨時隨地瞓得著, 似足kah媽).....
瞓瞓吓, kahkah突然被報時嘅音樂嘈醒咗
一班小朋友隨著音樂跳舞報時,kahkah見到即刻醒哂話要上去玩.....就係咁kahkah就去咗做報時員
由於報時員嘅工作時間係00, 30 分, 所以要等大約20分鐘先有得玩.... 小朋友一個跟一個坐定定準備入去排練....
今次小朋友自己入去一間房間排練, 家長咩都睇唔到, 只可以係大鐘下等睇佢哋表演........ kahkah 玩完之後話好好玩, 因為佢最鍾意跳舞.....所以每當聽到報時音樂, 無論係邊佢都自己跳返個隻舞.... ..
跳完舞kahkah 去咗搭巴士, 手持巴士票嘅kahkah...
全程巴士仲有導遊介紹....
之後, 一心諗住去揸車嘅kahkah, 由於高度限制嘅關係無得玩, 唯有去做消防員啦 !消費員係熱門職業所以要等30分鐘! 一向無耐性嘅kahkah好彩肯乖乖自己係入面等, 如果唔係就無得玩luu......
成班小朋友自己係入面等, 家長只可以係出面望住佢哋, 睇吓班小朋友玩到傻咗....
終於都到呢班小朋友啦, 一個跟一個入去, 先做一輪熱身運動, 待時機出發去救火..... 叮叮聲要出發luu, 消防隊長將制服派比小朋友, 跟住自己將佢著好, 而年紀較大嘅小朋友會幫其他小朋友手, 就係好高個姐姐幫kahkah
著好哂衫排隊上消防車....
去到火場, 小朋友開始救火啦......
待續......
沒有留言:
張貼留言