終於都搬完屋啦 !

唔知點解,每隔幾年我哋都會有d轉變, 而且呢d轉變都咁埋係6月份發生....

今年我哋搬屋, 高層轉工, 再加埋kahkah生日, 全部都係6月頭發生.....又要執屋,又要準備kahkah生日會d嘢, 所以kah媽真係好忙好忙呀.......

經過一輪艱辛嘅日子, 終於都算執好嘢啦.....特別要多謝蒙古哥哥 !

唔搬真係唔覺自己買咗咁多嘢, 個排係屋企聽得最多, 講得最多嘅就係: 唔要就掉咗佢, 要狼心d..... 無論kah媽,高層, kahkah,以至朱古力都掉咗好多嘢..... 不過唔等於屋企無嘢, 依然仲有好多嘢, 特別係玩具, 仲要係好大件個d!

呢間屋無咗kahkah嘅玩具房, 玩具房變咗圖書角, 而kahkah開始自己瞓一間房....偶然朱古力會陪kahkah瞓......

不過最勁都係屋企變咗公園........睇吓kahkah幾開心....

kah媽同高層就........

Anyway , 我哋真係好開心個個都咁哂kahkah, 但希望下次收到d細d嘅禮物..... Nicole阿姨千祈唔好買merry-go-round 比佢呀 !