Kahkah 3歲啦 !

搬完屋, 下個節目又嚟啦, 就係kahkah生日會!

時間真係過得好快, 眨吓眼kahkah 已經3 歲啦!

由於忙於搬屋,所以今次生日會安排得未如理想, 希望大家見諒, 都希望個日大家都玩得開心啦.......

當日生日嘅主角係女仔, 但原來嚟生日會嘅大部份都係男仔喎 ! 不過下年一定唔會, 因為kahkah 將會讀女校 ! 但無論男又好女又好, 只要見到班小朋友會得咁開心, 所有父母都一定好開心!

生日會場地有一間房可以比呢班小朋友周圍碌,周圍跳, 佢哋就滿足啦 , 而大朋友都放心唔怕佢哋有危險..... ( 就係咁嘅原因, kah媽選擇呢個場地)下年佢哋再大一歲, 又可以有新攪作!

今年kahkah 嘅生日蛋糕唔係公主,而係以toy story做主題, 啱哂今日班男仔.....自從kahkah入戲院睇咗toy story 之後, 佢就愛上咗woody, 所以捨棄公主而要咗呢個蛋糕 !

當契媽問佢生日願望時, 佢竟然答: 胡廸.... 大家都呆一呆.... 胡廸?我諗kahkah都唔知咩叫生日願望luu !

Anyway, 再次多謝哂大家送比kahkah 嘅禮物同埋祝福 !

呢個女真係一個皇帝女, 希望佢聽話d, 唔好咁硬頸, 身體健康, 快高長大, kah媽同高層就心滿意足啦 !

大家同佢唱完一次生日歌仲未夠,仲要自己同自己唱多一次 !