Megan 's BD party

今日我哋去Megan 4歲生日會, 個kitty好靚呀! kah媽好鍾意, 可惜kahkah唔多鍾意kitty !

Aunty Angela 準備咗好多親子體遊戲比大家玩..... 一班小朋友好投入, 玩得好開心 !

第一個遊戲, 小朋友要夾住波行去對面...

呢個遊戲要小朋友將紙巾包住媽咪, Aunty Veron 同 Achillis 哥哥好合拍, 睇吓kahkah嘅傑作.

下一個遊戲, 小朋友要將貼紙貼哂上面上, 最快就贏 !

終於到蛋糕時間, 個蛋糕又靚又好味 !

yummy !

一班小妹好收到禮物幾h開心 !

kah媽中學同學聚

數數手指, 我哋相識已經x咁多年.....

每年我哋係d特別日子一定會聚一聚, 今年好齊人

相中除咗一班同學仔, 仲多咗d小朋友, 相信再過幾年又會多幾個, 好熱鬧 !

每次聚會大家都好開心, 好多嘢講, 雖然唔係成日見面, 但感覺一d都唔陌生.....除咗傾吓大家嘅近況, 仲會提及以前讀書嘅趣事, 又開始傾吓自己小朋友嘅事....總之無所不談....

今日有兩個小朋友同kahkah玩, 有哥哥又有妹妹, 三個玩得十分投契.....

大家傾吓講吓已經12點幾, 真係快樂不知時日過....

期待下次整蛋糕聚會

年初四

每年年初四我哋都會去婆婆家食飯, 今年亦不例外

下午我哋已經入到去, kahkah同朱古力就一齊係停車場踩單車.....

幾開心

連朱古力都好開心

眨吓眼絲露已經識得行, 兩個都不知幾好玩

排排坐食飯luu

年初二

年初二,由於夜晚要去婆婆屋企開年, 所以我哋一早起身去海洋公園玩(都唔係一早, 入到去已經12點幾)

海洋公園變咗好多, 由停車場至大門口都變得好靚. kahkah一去到已經好開心

好心急要入去玩......

我哋今日日去, 主要係去睇魚魚, 不過第一站我哋先去睇雀仔表演.....起初kahkah都有小小驚, 但之後睇到唔捨得走, 仲要同佢哋影相

睇完show, 就當然係兒童王國玩吓....

由於kah媽換咗相機, 所以舊嘅比咗kahkah..... 今日佢仲攞埋相機出嚟, 行到邊影到邊....終於入到去睇魚啦

kah媽個人認為以前個海洋館好睇d !

睇完魚kahkah話要去探朋友, 今日朋友仔終於唔瞓覺,周圍行食嘢,仲爬樹添 !

由於時間關係玩到5點多就要走, 因為要返去開年 ....下次再見 !

大年初一

先恭喜大家新一年身體健康, 事事順利, 一家人開開心心 !

kahkah同堂妹仔同大家拜年 ! 行程一如以往,  行過大運~~港九新界拜年

今年多咗一個特別節目, 高層倒數生日會 ..... 一向以嚟高層嘅倒數生日會唔會預kahkah,一嚟係酒吧攪,二嚟太夜, 但由於係新年所以kahkah可以出席!1

kahkah終於可以去飲嘢 ( 高層每次去飲嘢, kahkah都問點解唔同佢去 )計落kahkah應該係第二次去飲嘢, 第一次係我個肚入面, 大約6,7個月左右  !

當kahkah行入酒吧, 大家都望住佢 ! 直到00:00, kahkah捧蛋糕出嚟,大家終於都知點解會有小朋友係酒吧出現 !

祝高層身體健康,當然要再升職加薪啦 ! 

 

唱生日歌中.....

學人許願

吹......

仲有一支未熄....再吹.....

 

大合照 .....

p.s. 臨走大家問kahkah下次仲嚟唔嚟飲嘢, kahkah話唔嚟, 飲嘢好悶喎 !