學校生日會 2011 (Sep,oct)

30-09-2011

開學第一個生日會主題係童話王國 ..... kahkah聽到當然好開心, 仲話一定要著公主衫 !

kah媽由細到大都唔鍾意公主, 亦都好怕小朋友著公主衫出街, 所以一直以嚟都係拖得就拖,係都唔想買公主裙比kahkah !

今年佢大咗ｄ,我講到明公主衫只可著去學校生日會, 平時去街唔可以著, 如果佢應承就買 ! 當然kahkah話好 !

生日會前一日8號風球, kahkah都不知幾擔心, 係咁祈禱希望可以返學開生日會 .

第二日一早kahkah已經問要唔要返學, 好想開生日會 !

準備好哂,今日仲有飛船坐就更加開心!

想信今日學校一定有好多好多公主 !

日日努力做

 

16-09-2011

升咗K2之後, kahkah無論係功課同學校生活都有好大改變 !

大個咗唔再係k1小妹妹, 當然要嚴守紀律,話哂呢間都係傳統學校 ! 第一個星期老師話可以容許佢哋傾計, 不過下個星期就唔可以..... 加油一班小朋友 !

至於功課方面比k1時當然增加咗, 仲嚴緊咗, 好咗kahkah自我要求高, 自己主動要擦寫得唔靚嘅字, 希望佢可以一路keep住高要求 ! 咁就好啦 !