6 月份好多朋友仔生日,今日我哋去咗Cherise嘅生日party..... 祝Cherise快高長大, 聽教聽話, 日日都開開心心 !
由於Cherise已經返咗nursey, 所以好多小朋友..... kahkah 個肚仔仲有d唔舒服, 但一去到會場好似無事咁, 一於好少理走去玩遊戲......
Aunty Jennifer 好犀利, 佢會kahkah係咪有d唔舒服呀? 咁靜嘅 ? 係話佢真係有d唔舒服, 所以比平時靜咗好多 !
今日好多爸爸都嚟咗, 所以一班媽媽們可以暢暢快快咁傾計, 唔駛睇住班mokeys......再加埋有姐姐同佢哋玩遊戲, 真係好啦 !
今朝kahkah 係半夢半醒間嗌肚痛.... kah媽即刻叫佢起身booboo.... 結果去咗兩次booboo..... 觀察咗成個朝早, 見佢都無再嗌肚痛,又無其他徵狀, 仲係到玩.....咁應該無事呀, 可以出街啦 !
kahkah仲話要返日文喎.... .. 上完堂去sogo 攞返d嘢, 順道睇吓玩具, 點知佢睇睇吓又話肚痛.... 過咗一陣又無事, 又跳跳扎扎.....
去到Jackie契媽屋企見佢有d攰, 好似眼瞓咁, 可能無瞓晏覺啦 ! 完全唔覺佢有病, 只偶然痛一吓....餵咗佢食粥之後, 又開始又跳又玩, 仲同契媽玩大合唱.......點知突然又話痛, kah媽一抱起佢,仲嘔添, 大家都比佢嚇到手忙腳亂.... 再加上近日腸痛毒盛行.... 二話不說即刻搭的士去st. paul .... 好在經醫生診斷後, 只係有小小腸胃炎... 無大外, 嘔只不過係消化唔到, 頂住個胃先嘔返出嚟, 真係比佢嚇死..... 睇完醫生返到屋企仲精神過我 !總之無事就好啦,寶貝 !咪嚇我啦 !
未出事之前, 仲龍精虎猛....
自從有咗kahkah之後, 好多人都問仲要唔要朱古力, 驚bb會敏感, 又話隻狗會呷醋, 但kah媽一於好少理, 唔會放棄佢....
不過係kahkah出世頭兩個月,真係將阿朱同阿kah分開,限制阿朱嘅活動範圍....但隨住阿kah 一路大, 阿朱就自由luu.....
其實我都唔覺阿朱呷醋, 反而kahkah一喊, 阿朱就會嚟吠我, 叫我跟住佢行去睇kahkah.....依家仲好笑, 每當kahkah比人鬧或比人打, 阿朱就出嚟做"架兩" , 吠我哋, 保護kahkah.....緊係啦kahkah係佢嘅米飯班主....除咗餵佢食飯, 仲耐唔耐趺d食物比佢.... 當然要保護佢啦 !
而kahkah都當咗佢係個人, 每次去完街有d咩都第一時間話比阿朱知.... 總之一開門佢就走去搵朱古力: 你睇我買咗 xx.... 我返嚟啦, 你有無掛住我呀?
佢哋d感情都幾好.... 有次我話朱古力去阿姨屋企住一排, kahkah就話唔好, 好鍾意佢唔好送比人.... 就算依家同朱古力去沖涼, 佢都唔肯, 係都要睇住佢沖,唔比放低朱古力係寵物店....狗仔真係可以同小朋友和平共處架.... ...
今日特別起得早, 0500kah媽已經要起身....除咗以前要飛早機, 如果唔係kah媽都唔會咁早起身 !
就連kahkah 都咁早, 因為我哋要去Fiona 姐姐嘅畢業典禮.....
kahkah 第一次踏足警察學校.... 佢問點解咁多警察嘅 ? 又開始問嘢luu, 好咗婆婆今日係到, 咁就由婆婆答佢, 終於kah媽可以休息一陣......
典禮未開始, kahkah 先同未來警察哥哥影相, 最初佢有d驚唔肯行埋去, 因為佢哋好嚴肅.... 之後佢又ok 喎 !
終於都開始啦, 有銀樂隊, 又有步操睇, 雖然要早起, 但好值得, kahkah 仲睇得好開心添.....佢仲學人步操.....
等咗好耐佢終於都見到Fiona 姐姐, 仲同姐姐合照....
不過kahkah最開心都係見到Andy sir, 佢哋只見過一次面, 但唔知點解kahkah好跟佢, 仲要哥哥抱抱......
.
去完畢業典禮, 同Fiona姐姐飲完茶, 我哋要去返日文luu.... 上完堂仲要趕下場, Katherine 姐姐結婚...
Kahkah 就好啦, 可以係bb車瞓吓覺 , kah媽就要直踩到今晚.....
kah媽真係好眼瞓........kahkah 就好精神, 仲食哂成杯雪糕....
kahkah 終於都試過溜冰, kah媽同高層商量之後, 決定比kahkah學溜冰.... 而咁啱Jacob都想學, 所以我吔就一齊去報名luu.....
今日約Jacob 一齊去報名學溜冰, 兩小無猜好耐無見啦, 佢哋一見到面就好開心, 不斷追嚟追去, 仲交換糖食添 !
佢哋兩個以為今日可以溜冰, 但只有兩個媽媽真係有d怕睇唔住佢哋, 所以我哋無打算同佢兩個魔怪溜冰.....Aunty Jennifer 提意去坐觀光巴士, 佢哋兩個聽到好興奮, 所以我哋出發坐觀光巴士.......
兩小無猜又出動luu.... 我哋今日坐嘅路線係懷舊路線, 有d 地方kah媽都未去過, 所以都好值得坐... kahkah 以為呢架巴士好似之前坐x'mas tram 咁 , 要叫merry christmas.... 仲問點解聖誕老人仲未出嚟! 經一輪解釋之後, 好在佢都明.....不過都仍然問點解要停車, 點解d人要上車....唉! 點解你咁多嘢問阿女 !
當巴士行完一圈, 就係旅程完結之時.... 又係下一個行程開始....shopping+ dinner !
一人一份禮物, 好開心呀 !
食飯有kahkah 係到真係好, 因為好多時都有人請佢食甜品 !
返到屋企已經11點幾, 真係快樂不知時日過 !
夏天終於都來臨啦.... 今日kahkah 約咗Jackie 契媽等人一齊去游水, BBQ....
kahkah 不斷咁問今日係sunday 要去游水喎, 行得未呀? 未呀, 點解? 因為高層同獅子會去咗做義工仲未返嚟囉 !Kah媽同kahkah 係屋企等高層等到呆咗啦,最終我哋成3點幾先由屋企搭的士去大浪灣....全程車kahkah 都係覺覺豬, 咁都好唔洗一陣眼瞓....
終於都到達目的地, Jackie契媽佢哋已經開始BBQ啦, 今日Jackie 契媽為大家預備咗好多嘢食, 仲有神秘食物~薑蔥蚝添....
不過kahkah 一去到就準備去玩水, 對d 美食毫無興趣... 好啦kah媽就同你去玩水先啦!
我哋今日準備咗支水槍玩水, 佢仲記得要跳浪添, 見到佢玩得咁興奮, 真係好啦 !由於今日無太陽有d凍, 所以唔可以玩咁耐, 等下次早d嚟, 又有太陽咁先可以玩耐d ! kahkah 好乖佢都明白肯返上去BBQ.... 既然係咁我哋就攞D 沙同水比你係BBQ場玩啦.... 但上到去佢又唔玩Luu, 因為佢見到有滑梯玩.....
可能肚餓佢好快咁食咗一輪就去咗公園玩...
BBQ完由於高層要返西灣河投票, 咁我哋可以食埋糖水先返屋企.....Kahkah食咗芒果涼粉爆爆珠....
kahkah 今日好曳.... 佢係都唔肯將跌咗落地嘅叉"dum"落垃圾桶 , 仲要放入口....比佢激死... 超級硬頸, 結果當然係比人打啦......如何對付硬頸妹 ?
隻腳終於變大啦 !做咩咁開心呢? 因為佢終於可以溜冰啦 !
由於屋企附近有溜冰場, kahkah 每次經過都係睇人溜冰, 唔肯走.... 試過有次食完飯, 專登入去問吓最細嘅鞋係幾多號, 個職員好好人攞咗對鞋比kahkah試, 可惜都係唔啱.....
幾個月之後, kah媽發現佢隻腳真係變大咗啦, kahkah 好興奮咁同高層講, 又咁啱高層今日放假, 咁就起身去溜冰啦 !臨出門口,又攪朱古力, 阿朱以為有得去街!
溜冰之前當然要醫肚先, 唔知係咪一陣有得玩嘅關係, kahkah 自己食哂一個拉麵兒童餐, 好叻叻 !
原來依家溜冰係一蚊一分鐘, 仲要一人一個八達通添 ! 真係大鄉里啦 !以前係段鐘計加埋...
kahkah 一入到去已經好開心啦, 最初佢都有小小驚, 當佢見到周圍d小朋友唔洗扶住企鵝, 佢竟然唔要我哋扶, 要自己行, 真係大膽! 大約半個鐘之後, 仲話連企鵝都唔要, 高層當然話唔得啦.... 咁唯有我夾住佢嚟行啦 !
已經係第三年同kahkah過母親節啦, 不過之前兩年佢唔知係咩呢, 今年佢係知唔知之間...因為佢睇到電視成日講 I Love mama, 佢就話母親節要講嘅, ( 電視嘅影響力真係大)但我相信佢係唔明白...
所以當我話比佢知今日係母親節,佢就不斷講: I love u mama.... 呢個母親節真係好sweet !
由於高層今個weekend公司有event, 所以我哋呢兩日自由活動......等星期一高層放徦先至出去慶祝!當然係食kah媽至愛嘅日本菜, 飯堂之一 ~盛八..... 除咗燒和牛之外, 仲有我至愛嘅大蜆, 同青森蘋果 ( 只係kah媽至愛, 其餘兩位一d都唔欣賞)
其實係kah媽日日都好開心, 因為每日都有兩個至愛係我耳邊bebibala....
