公主派對

今日係公主Megan 嘅3歲生日派對.....

時間真係過得好快, 回想起我哋呢班媽媽相識係係3年前, 雖然係同一公司做嘢, 但都係互不相識, 直到大家個肚都多咗個小生命之後先至開始認識 !係個十個月之後,大家就變咗好朋友, 得閒就出嚟聚吓,傾吓,玩吓, 真係好開心 ! 就連d小朋友都變成老友鬼鬼.... 係嚟緊9月小朋友開始入幼稚園啦, 可能大家都會好忙無咁多聚會luu.......無論點都好, 我都好開心識咗呢班靚媽媽 !

講返公主派對...Megan 公主間新屋BBQ ! kahkah 一去到見到Megan 好開心, 因為都有一段時間無見過佢啦... 雖然Megan 只係大kahkah 三個月, 但身型就有好大距離.... Megan 成日都拖住kahkah , 可能佢覺得kahkah 好似一個公仔咁

今次個生日會主題係公主一所以今日有好多公主出現..... 當然唔少得王子啦 !

當Jacob王子一到場Kahkah 即刻好開心, 將手上嘅爆旋陀螺比佢玩, 之後仲推咗架單車同佢一齊玩.... 佢兩個真係好friend...... 之後仲坐Jacob單車尾

由於係BBQ, 仲係姐姐負責燒, 所以大家都好得閒, daddy們, mummy們, 小朋友各有各嘅世界,話題.....直到Megan 公主蛋糕嚟到先再聚返埋一齊, 一打開個蛋糕盒.....嘩.........嘩...好靚嘅城堡呀! 

小朋友各有所好, 女仔就想攞蛋糕上嘅公主, 男仔就想攞朱古力甜筒..........好味呀! 

今次個生日會雖然無魔術師表演,但d小朋友同大朋友都好開心.... 因為係屋企攪生日會唔洗睇實d小朋友, 小朋友可以盡情玩,跑,跳.....

大朋友又可以盡情傾計,唔洗擔心小朋友唔見咗, 跌到等等.... 仲可以有咁耐玩咁耐,唔怕比人趕走, 可以hea吓....所以我哋都hea到7點幾先走( 開始時間係1點喎) ......

多謝哂主人家今日嘅款待.....

 

 

Ballet

Kahkah 歲半已經開始學跳芭蕾舞啦, 眨吓眼已跳咗一年多喇....

啱啱開始學嘅時候都係好似上唱遊班咁, 唱吓歌仔, 轉吓圈, 家長仲可以陪佢一齊跳....大約兩個月前, 老師話佢可以試吓上三歲班,其實要足歲數先可以, 因為家長無得入去怕佢自己一個人入去會喊, 但老師話唔怕,咁佢得嘅,咁就升咗班啦 ! 

三歲班家長無得入去, 只可以係課室出面等, 要同老師行完禮先可以放學....

不過偶然都上兩歲班, 但我都無入去陪佢, 因為有d相熟嘅家長一齊係出面傾計....

今日又同佢去上堂, 由於好耐都無睇過佢跳舞, 所以入咗去陪佢..... 嘩, 原來佢已經學咗好多唔同嘅POSTS, 老師一叫佢做咩post 佢都識, 我真係一d都唔知 ! 最奇嘅係kahkah 原來識聽英文指令, 老師係外國人只會講英文同d小朋友溝通, 我最初以為kahkah 係睇老師示範然後跟住做,但原來唔係,就算老師無示範,只係講佢都明, 真係好犀利 ! 因為我哋平日都係同佢用中文溝通, 所以無諗過佢聽得明, 唔通睇明珠電視台真係有用嘅?

講返跳舞, kahkah 又真係好鍾意, 見到佢跳得有板有眼真係好開心, 起碼係佢自己鍾意嘅活動....考完哂幼稚園, 又係時候諗吓同佢學d咩喇....高層話咩都試吓, 但真係唔知點決定學d咩好????/

新年

恭喜大家都發財!

今年嘅新年行程都如以往一樣, 拜年拜年再拜年......

今年我哋準備咗一套韓服比kahkah著去拜年,

佢好開心因為佢話呢套係公主衫....而我終於知道原來佢係係學跳舞個度知道有公主呢樣嘢嘅.....

一年四日都四出拜年, 都係時候要休息吓啦.... 之後連續兩日都有朋友仔上嚟屋企拜年, kahkah 當然好開心有咁多人同佢玩.....

 

 

呢個新年就咁結束luuu.....

 

準備過新年

前晚返到屋企已經成點啦... 沖完涼就覺覺豬luu.... 當然呢一覺瞓醒已係下午12點多, 連kahkah 都係咁晏起身.....唉! 一起身出到廳所見到嘅係: 一地行李,場面一片混亂....諗住慢慢執.... 點知一睇月曆先發覺仲有一日就新年....唯有加緊腳步快d執.....

到咗年30晚嘅下午,終於都算攬點, 跟住又趕住返奶奶到食團年飯.....食飽飽一家人就去咗維園行花市.... 由於落雨, 花市都唔算太迫, 不過kahkah就無落過地行,最終買咗d花就返屋企luu.....kahkah 已開始無電..........返到去幫佢沖完涼開埋奶,諗住佢會瞓,我就可以攪d新年嘢, 入利是, 全盒, 插花........點知我一開始攪d花, kahkah 就突然行咗入房, 手持bb剪走返出嚟....kahkah話: 我都識, 我幫你. 咁佢就攞咗一支花係到猛咁剪.....kahkah 好似真係識咁,

 

仲剪出一條葉路.... 最終成地都係..... 又要執多次.........插完d花,唯有同佢一齊瞓, 如果唔係都唔知佢幾時先瞓, 我唯有等佢瞓著先再攪其他嘢, 但已經成點啦........  

韓國之旅- 最後2天

全個旅程最後一個活動做泡菜,唔知咩原因kahkah 又嚟發睥氣?

唯有我哋自己做, 臨做完之際佢又無事喇....

kah媽同高層都覺得唔理佢係最好, 當佢知道發脾氣係無人理咁佢自己就會慢慢無事....跟住下一個節目: 著韓服影相, kahkah一換完衫即刻變咗小名星....

 

我哋都買咗一套比佢新年著......

當所有親子節目完哂之後, 行街shopping 正式開始............kah媽要買呀, 買呀!

最後一日加咗一個特備節目:  落雪啦..... kahkah 第一次見到雪, 佢仲裝咗一杯雪,

今次真係可以整雪人luu....

我哋嘅5日韓國之旅係大雪中完結, 係時候返香港.....

多謝哂同行嘅領隊Tanny,當地導遊Sandy同埋攝影哥哥Danny.............

韓國之旅-第三天

經過兩日充足嘅運動, 係時候要停一停啦.... 今日行程係冰雕+ 樂天世界

今日天氣唔係幾好, 有毛毛雨, 好彩大部份活動都係室內...導遊話如果0下就會落雪...咁即係未算最凍.....

第一個行程係去睇冰雕同埋做冰杯, 話就話唔凍,但當入到去冰雕館真係凍到震..... kahkah 一於好少埋, 一見到個冰滑梯已上咗去玩

...... kah媽睇咗一陣已鬆人, 只留低高層自己一個係入面慢慢欣賞...... 睇完冰雕之後,到大家出手做冰杯, kahkah都有份做架, 而高層個杯仲得獎添......

下一個行程係kahkah至愛- 樂天世界....不過佢話係disney, 因為佢見到戶外個邊有公主城堡.... 可惜雨好大,所以只係出去影咗幾幅相就入返室內玩luu....

室內都有好多嘢玩, 小朋友嘅有, 激烈嘅都有, 由於kah媽唔好機動遊戲, 所以玩咗d合家歡遊戲之後,就分頭行事, 高層就自己去玩激嘢, 我哋就繼續bb玩意.....

忙碌的一天

今曰十一點幾就起身開始準備一切! 因為kahkah今曰最後一次interview.雖然係下午三點先interview，但由於路程比較遠所以我哋要早點出發！其實已有一間好好嘅學校收咗佢，但我哋仍然好想一試 !

去到學校真係人山人海,由於呢間學校歷史悠久,再加上係一間教會學校, 所以校內嘅佈置比較沈實. 連kahkah 都覺得, 佢話點解唔係青蛙洗手盆同蘋果厠所? 面試嘅時間只係短短幾分鐘, 仲要係小朋友自己入去,家長係出面等, 所以in 咗d咩, in 得!好唔好都無人知.... 考呢間學校就等於大抽獎, 因為實在太多人in 喇.得獎結果將於3月份公佈... 平常心啦! 所有interview 都完哂啦 ! yeah !

in 完去食返個tea,

跟住要返屋企準備今晚出發去旅行.

由於今次我哋搭通宵機,所以食完飯先出門口!

一落的士kahkah已十分興,自己拉住件行李就走咗去唔等我哋!

上到機kahkah 已經好眼瞓啦, 因為已經成點, 飲咗幾啖奶就瞓著luu......

出發前的準備

踏入二月份, 有高層生日, kahkah intherview, 去旅行, 新年....好忙碌 !

由於去完旅行返嚟幾日之後就係新年, 所以我要係出發前準備好哂d嘢.... 再加埋高層3號先係美國返嚟香港, 我仲要幫佢攪埋佢d嘢....

2月2號,要同kahkah配定d平安藥. 完本諗住配完就走,再去買埋d賀年用品, 但去莫醫生到配藥, 必經之地就係snoopyland, kahkah又點會放過呢個公園呀,咁成個下午就無咗luu......

2月3號, 由於我哋去旅行,所以阿婆提早團年,高層今日返嚟,但佢要10點幾先返到嚟所以都無佢份,不過我哋會打包d嘢比佢食....阿婆同kahkah 去咗飲茶, 咁我就要出去買嘢, 狗糧, 尿片, 賀年用品......好攰呀!買完就出去食團年飯yummy.....

2月4號, 高層放工返嚟換衫, 食埋蛋糕

就去咗Jackie屋企燒嘢食,慶祝高層生日.......今次朱古力都有得去, 但其實我哋係要將阿朱交比Pauline看住, 每次我哋去旅行朱古力都去Pauline屋企度假, 仲有2 隻狗狗一齊玩添!真係開心啦朱古力!

好啦,要執行李luu.......

聽日kahkah interview 完 ,我哋就出發..........加油 kahkah !