今日kahkah 跳完舞, 又去咗又一城同兩位姨媽食lunch.....食飽飽就當然係係商場逛一陣, 逛吓逛吓又去咗 kahkah 最鍾意嘅玩具反斗城..... 張化妝枱就係咁搬咗返屋企啦!
一直以嚟kahkah 已經對呢張化妝枱虎視眈眈.... 但由於佢實咗太多玩具, 而且佢嘅面積都唔細, 我同高層唔想再多一坐玩具, 所以一路都拖得就拖....點知阿姨話買比佢, kahkah 即刻開心到跳起.... .....
返到屋企, 佢連最鍾意嘅elmo 都唔睇就急不及待要拆嚟玩..... 一時又話吹頭,一時又話化妝, 最勁嘅就係呢張係流動化妝枱, 佢不斷將張枱推嚟推去.....仲話係間屋嚟架, 唔可以放係玩具房, 要放係客廳中間......
吹頭篇
化妝篇
今日又同kahkah落公園玩, 未出門口佢已經急不及待係屋企踩單車! 突然間我發現kahkah隻腳點到個腳踏, 仲好似識踩添.... 沿途我叫佢試吓用力踩.... 去到公園, 咁啱有個哥哥學緊踩單車, 係咁嘅情況吓.... kahkah 就學識咗啦, 不過佢好攪笑唔係用隻手控制轉左右,而係用雙腳 ....
Let's have a look :
http://www.youtube.com/watch?v=WbGB7KI21Fg
其實好多小朋友係2歲左右已經識踩單車luu, 之不過kahkah係一個超級細碼B, 身型都比同年齡嘅小朋友細, 所以一直都唔夠腳長踩單車,
但係呢兩個星期我發現佢突然高咗,真係好啦 !
下個月我哋又準備去旅行啦 ! 今次同以往嘅有d分別,一向以嚟都鐘意自由行嘅我哋今次選擇跟團, 因為高層想relax d 喎!仲要係好凍嘅韓國滑雪團. kahkah 都未試過去d咁凍嘅地方.一家要做足準備, 唔好凍親呢個大小姐!
高層呢個月尾要去美國開會, 襯住佢未出發一有時間就要shopping. 星期六食完brunch,就開始我哋嘅行程, 諗住買sportwear嘅店舖一定有, 點知搵咗好多間都無, 一係無碼, 有d就話無小朋友嘅滑雪body, 連滑雪褲都無.....點算????搵咗成日都無只好放棄,因為要趕下場......
今日我哋再出發, 終於比我哋搵到啦......
由頭到腳都照顧哂:
kahkah's
唔係我嘅,係高層嘅
呢套先係我嘅
苦茶對於kah媽嚟講實在唔以接受, 但對於kahkah, 飲苦茶係一件易如反掌嘅事 !
點解kahkah 要飲苦茶? 佢一直以嚟去poo-poo都唔好, 佢急都唔去,寧願係sofo luu 唔玩唔行,以為咁d poo-poo 就唔會出嚟 (其實佢係驚patpat痛)!就因為咁 kah媽, 高層都要四出搵方法解決.睇咗好多唔同嘅西醫, 佢哋都係話食多d蔬果,飲多d水, 再比d 乳多糖咁, 但識kahkah 嘅都知佢飲好多水, 呢個方法對於佢嚟講係無用.....所以就轉咗睇中醫, 至於中醫就話kahkah 矂熱, 飲苦茶可以解決到佢嘅問題, 之不過我哋發現佢哋會 "dum" 証, 貴平到會.... 好好彩係機緣之下,認識到一位中醫哥哥(佢應該細過我,但佢將會碩士畢業) 好犀利, 佢所講嘅同其他醫師差不多, 唔同嘅係佢好明確咁話比我知點樣可以解決呢個問題, 仲分析咗點解會發生..... 飲咗幾次藥, 真係見到效果, 而且kahkah 仲好易咁可以正常去poo-poo.... 真係好啦, 不過醫師哥哥會都最好飲多一排,等佢可以穩定d..... 真係要好好多謝醫師哥哥, 希望真係可以攪得點啦 ! 咁就一天都光哂 !
講返飲苦茶, kahkah會自動咁去飲唔洗迫佢, 反而飲藥水要迫....
其實kahkah 係一個好特別嘅小朋友, 佢係唔鍾意食甜嘢, 零食, 啱啱同我相反, 佢同高層一樣唔鐘意 , 咁都好無人同我搶食.....
kahkah 真係好勇敢 !
又係清玩具嘅時候,kahkah 間玩具房真係似雜物房多d !
以前我哋細個都無咁多玩具, 媽咪係十分少買玩具,但由於kah 媽嘅姨媽係開玩具店,所以有一樣好處就係: 每次一有新玩具出, 我哋都可以第一時間玩 !但唔係擁有 !
現今嘅小朋友就幸福得多啦 , 好似kahkah 咁由於佢係全個家族最細, 所有大朋友都當佢係寶,每次家庭聚會佢都有禮物收.再加埋表哥比佢d玩具, 所以攪到咁多, 多到要將廚房放係廳
至於玩具嘅類型都好廣泛, 女仔玩具固然唔少得, bb車, 煮飯仔, 洗衣機, 熨斗, 就連吸塵機都有
就連男仔玩具佢都有(表哥比嘅),巴士唔係一架喎而係一箱, 仲有火車,超人.....
總之應有盡有.所以每隔一段時間就要將d唔玩嘅玩具送比朋友, 幸好有媽媽肯接收唔係就浪費啦.....
朱古力重遊狗餐廳啦!
kahkah 未出世之\前, 朱古力差不多每個星期都會去街, 去狗公園, 餐廳, 燒嘢食, 沙灘..... 不過kahkah 嘅來臨,令朱古力嘅生活改變了......隨住kahkah每日長大, 朱古力終於可以出擊.....
一去到朱古力已經十分興奮,
見到成個場都係玩具貴婦,連kahkah都興奮埋, 因為kahkah 第一次去狗餐廳, 佢哋兩個不斷咁跑都好好笑,
kahkah追朱古力,朱古力追狗. kahkah 仲同朱古力玩競技賽同滑梯添.....
跑完一輪,兩個都攰哂,要食d嘢補充體力, kahkah 食香腸, 朱古力食燒賣.....
臨走之前, kahkah 仲同朱古力去shopping, 買d靚衫比朱古力過新年....
問kahkah 下次仲去唔去, 佢話去仲要叫埋阿b(kanam 隻狗)同阿妹(嫲嫲隻狗)
今日終於都收到最後一間幼稚園嘅面試信....
半年後kahkah 就讀K1啦, 所以係舊年開始就要考幼稚園.由於太多豬仔豬女, 所以競爭特別激烈,計埋呢間kah kah 一共考5間幼稚園,
好似好多咁, 不過點都好似有d保障. 因為間幼稚園收唔收個小朋友,除咗小朋友唔喊,肯答問題之外, 仲有好多因數, 好似係咪教友, 識唔識人, 考你個老師鍾唔鍾意等等.........好彩kahkah 都已經有3間收咗佢, 希望最後呢間都收佢, 咁就好啦 !
不過最後呢間幼稚園真係有d難度, 一嚟小朋友同家長要分開in, 二嚟幾千人只係收180人, 所以真係有d擔心 !
無論點都好,最緊要都係kahkah 讀得開心......
