Jacob四歲啦
時間真係過得好快. 由係肚入面到依家個個都返學,好似唔係好耐之前嘅事,但事實上已經四年 ! 睇著呢班小朋友長大,真係好開心!
暫時我哋呢班媽媽都未有人再準備生bb, 唔知幾時會有呢 ?
講返主角嘅生日會, 今年主人家話無變魔術,無擰波波,但有畫具 !咁就啱哂kahkah啦 !
一去到kahkah將禮物交咗比Jacob之後, 佢已經自己埋位!
見到呢兩隻眼,大家都應該估到佢要畫咩啦 ?
咪就係多啦A夢囉 !佢好認真咁一筆一筆咁畫落去, 仲唔比人加意見, 自己係咁畫畫畫 ......
經過一番努力之後, 兩位美女嘅作品大功告成 !
kahkah仲簽埋個大面落去......(可惜最後呢幅畫都無攞返屋企, 因為比人辣手摧吹花, kah媽真係有d唔開心, kahkah咁比心機會,最後成幅畫變咗漆黑一片, 無法啦下次同kahkah去畫過 )
畫完畫,排排坐開餐luu .....
當然係蛋糕出嚟嘅時候, 先會一次過見到咁多小朋友 ! Jacob 祝你快高長大,身體健康 !
吹完蠟燭,呢班小朋友竟然走哂去唱K, 下次我哋嘅聚會應該去唱K !
點少得兩小無猜合唱呢 ?
P.S.自從返咗學之後,真係好難集齊咁多個B 一齊玩, 希望快D可以約齊人一齊玩啦 !
今日超級忙, 雖然唔洗返學, 但要返學校見家長,跟住去係kahkah嘅偶像畢業禮,夜晚仲有飯局 !
第一站, 先同kahkah返學校, 首先要唔該兩位同學仔肯同我哋調時間,如果唔係趕唔到下場 !
返到學校kahkah自己去玩玩具, kah媽就去見老師. 係老師眼中, kahkah好乖好守紀律, 但點解係屋企唔係嘅????? kah媽問老師佢有無好硬頸,固執, 老師話無, 仲好識得照顧別人, 跟住老師話唔奇呀, 今日好多家長都有呢個疑惑, 屋企同學校係兩個人 !仲有連老師都話佢表演慾強 !
無論點都好, 見到kahkah返咗一個學期, 大部份都有進步,更重要佢依家日日返學都好開心, kah媽已心滿意足啦 !
第二站, 偶像畢業 ! 為咗今日kahkah一早已諗好要著彈彈裙, 仲要set埋頭添 !一見到偶像已經要即刻影相 !
雖然已係午睡時間, 但為咗偶像,眼瞓都要頂住 !佢仲坐第一行,連婆婆話要坐都得.
偶像出嚟攞獎, kahkah開心到要行出去睇, 超級小fans !
追星族? 佢大個唔好追明星就得啦 !
個日佢簡直開心指數係100 !
完場之後又要趕下一場, kahkah只好係車眠一眠 !
期待以久嘅表演終於有得睇嚟......
今日小朋友要係表演前2小時返學校彩排, 化咗小小妝個個都好開心
放低小朋友之後家長們就一齊去食個早餐先 .....
高層出咗trip, 但仍有婆婆同表哥嚟捧場.....
開場嚟, 原來kahkah個班係第一班出場
呢首歌佢哋排練咗好耐架嚟, kah媽記得第一次聽kahkah唱係聖誕節嘅時候, 咁即係話已經練咗成個月..... 個個小朋友都好叻, 記得哂d步履同歌場, 仲無怯場...... 睇到kah媽有d眼濕濕, 好感動 !
kahkah同佢個拍當好合拍, 好好笑 !
表演完等接放學 !
shopping queen 又點會放過學校嘅義買, 即刻要買隻兔兔公仔 !
今日有表哥, 又有姐姐捧場, kahkah當然好開心!
今日學校開完生日會, kah媽同kahkah一齊去搵史東哥哥, 原本只係kah媽剪頭髮, 但最後.......
話說當kah媽洗完頭之後, kahkah突然走去問史東哥哥可唔可以洗頭, 大家以為kahkah只係講笑, 但點知係真嘅, 仲要求自己瞓係張椅度洗..... 原來係kah媽洗頭嘅時候, 佢已經同史東哥哥講要點剪頭髮 ........
洗完頭仲有姐姐幫佢吹頭, 跟住再由史東哥哥操刀剪頭髮..... 剪完之後仲同哥哥講要set埋頭 ......
大家唔好以為kahkah已心滿意足, 仲未 ! 佢仲要melody 姐姐同佢修甲 !
睇吓佢幾滿足 ! kahkah今日足足係salon玩足3個鐘 !
