瞓醒一覺, 又係時間出動啦, 今日我哋唔去shopping 住.... 我哋book 咗kidzania 同kahkah去玩....
kidzania係一個小型社區, 入面咩都有: 警察局, 消防局, 醫院, 各式商店,
總之講得出嘅都有,而且仲係互動, 好似朝日新聞d小記者會去消防局採訪, 仲要出新聞添.......睇吓部相機!
每個小朋友入場有50 kidzania money
呢d money 可以消費架, 例如搭巴士要比錢, 買雪糕, 果汁都可以, 仲可以存入銀行添, 同時小朋友每做完一份工, 都有人工, 到最後可以用d money 去shopping .....等小朋友知道要付出先有收穫.....Kidzania最特別嘅地方係全部活動都由小朋友一手一腳去做, 年紀較大嘅小朋友會幫手照顧d年紀小嘅, 而家長唔可以幫手, 只可以遠觀.....唔怪得知日本d小朋友咁獨立啦!
我哋book 咗section 1 ( 0900-1500), 平時瞓到"黃朝百晏"嘅kahkah當然係未瞓醒啦.... 全程車都係到瞓,睇吓kahkah仲未瞓醒.....
最後我哋都攪醒佢....
一起身佢見到mos burger, 就話要去整漢堡飽.... kahkah第一份職業係漢堡飽員.....
由於佢唔識日文, 姐姐特別照顧佢... 由著衫,洗手, 整飽, 每個步驟都要小朋友自己跟住做..... 做完仲可以自己食返個飽, 連kahkah都話自己整特別好食.......
整完飽kahkah見到對面有化妝店, 就話要入去玩...佢今次做顧客買化妝品! 見到佢係入面好開心, 好似大人買嘢咁, 先要清潔, 跟住試唔同嘅化妝品, 真係好好玩...睇吓kahkah幾開心就知啦 !
待續......
沒有留言:
張貼留言