同學仔~遊小白露

 

 

 

04Dec2011 sunday


一直都好想去小白露, 但一直都無去過. 咁啱有同學仔相約, 一於齊齊去 !

同同學仔食完早餐就出發..... 小白露比我哋想像中細,我哋11點幾入到去,好多活動都未開始, 要12點後先開...... 好在一班小朋友只要有空地跑跑跳跳就滿足.....

 

 

不過D山羊就慘D, 不斷被餵草.....

 

由於無咩玩, 大家就提早食lunch, 我哋一行20人齊齊食lunch,張枱好長(忘記影相)食物都好味,而tea set 仲吸引, 下次去試吓先!


食飽飽之後,第一個活動就係 ~水上單車, 今日高層都出席, 呢個咁重要嘅任務當然係交比佢, kah媽就負責影相.....



由於單車只可以坐2個人, kahkah超輕, 高層超重, 架船當然側埋一邊,放心安全無入水......kahkah當然好好開心 !



第二個活動係小朋友期待以久嘅跳彈床, 可惜個彈床真係好細, 不過都無損一班小朋友嘅心情 , 仍然興奮......



其實好多活動都係係呢個活動室到舉行, 彈床,手工, 整包包, 所以係有點兒迫 .......

跳完彈床, 就做手工,再跳彈床 一站式嘅活動


一班gh grils 霸咗個彈床

 

玩完一大輪之後, d小朋友仲未攰, 仲話要划船, 果然精力充沛




今次可以三人一艘船, kahkah同好朋友一齊坐, 船長當然係高層啦 !




兩個小朋友真係好乖, 見佢哋坐定定, 仲手拖手唱歌 ! 果然係good　girl !

划完船仔, 今日嘅活動都去到尾聲.....臨走仲要餵羊..... d 羊真係由朝食到晚 !

呢幅相一睇就知有人無電 ......

好懶

懶開就懶, 原來放暑假嘅blog都未寫, 真係有排攪 !
要努力,努力 !

kitty 聖誕燈飾

27Nov2011 saturday

ｋａｈ媽一向愛ｋｉｔｔｙ，知道今年朗豪坊聖誕主題係kitty當然要去睇吓 !
由於上次買完toy story 未去夾公仔,又係最後一日, 所以就出咗旺角.....

自從kahkah出世,我哋好耐都未去過 銀行中心一帶, 今晚再次踏, kahkah就話好迫, 我哋都唔放心要抱住佢, 因為太多人一路行一路食煙 !'

快快夾完公仔, 都係去返商場安全 d !

原本影kitty 要排隊, 仲好長龍, 唯有影d唔洗排架啦 !

C＆Ｌ ｗｅｄｄｉｎｇ

25Nov2011 friday

今日開完生日會, 夜晚我哋就去蒙古哥哥嘅婚禮.....叫kahkah換衫又唔肯, 所以依照日本妹look !



今晚無其他相熟小朋友嚟, 但kahkah仍然興奮, 不斷同人飲杯, 果然係高層個女!

kahkah有一個好重要嘅任務, 負責係新人進場時放bubblesssss.......自從得知有呢個任務之後,佢都不知幾緊張, 不斷check住個bubble 機 !
最後kahkah都可以完成任務 !

敬酒係kahkah至愛嘅環節 !

祝蒙古, Lily白頭到老, 幸福快樂,快d生個b同kahkah 玩 !

 

學校生日會 (11,12 月份 )

 

 

25NOV2011 Friday

今次生日會主題係民族服裝, kahkah以日本妹look 出席 !

一著咗套衫,好似上身咁不斷唱日文歌, 又講日文 ,比佢笑 c !




每次生日會放學都唔肯走嘅小朋友 !
今次仲霸埋條樓梯影相 !



除咗影相, 當然唔少得friday lunch !

Jolie 's bday party

13Nov2011 SUNDAY

今日我哋出席同學仔嘅生日派對

一睇就知係公主派對,每位小公主都盛裝出席 !



同學仔媽咪好細心, 每個小朋友都得到一個佢到心愛嘅公主氣球 !

haha.... 卡通 kah
\

祝Jolie身體健康, 日日都咁開心!

多謝Jolie媽媽嘅悉心安排 !

 

仁乎嘉年華

06Nov2011

自從kahkah返咗幼稚園,表哥升上小學, 大家各有各忙,好耐都無一齊去街街啦 !
kahkah知道今日同表哥去玩, 心情十分興奮 !

一去到佢哋倆個已睇中呢個好高嘅滑梯 ! 不過kahkah玩咗一次就唔再玩, 佢話太刺激啦 !



都係呢d baby玩意啱佢d !

表演慾強嘅kahkah, 一聽到姐姐邀請小朋友上舞台玩, 佢第一時間出去!

當日有好多攤位遊戲玩, kahkah玩得好開心 !

 

kah媽 牛一

02Nov2011

今年生日特別開心, 因為有kahkah彈琴,高層唱歌為kah媽賀生日 !

話說琴老師知道kah媽生日, 即刻教kahkah彈, 雖然啱啱學, 但見到佢好努力練習, 就算彈得唔好kah媽都好開心!

當然唔少得高層嘅驚喜 !

安排了kah媽至愛嘅爐端燒



仲有一個好靚嘅rainbow cake !

 

最開心嘅當然係一家人係埋一齊 !

 

學校生日會 2011 (Sep,oct)

30-09-2011

開學第一個生日會主題係童話王國 ..... kahkah聽到當然好開心, 仲話一定要著公主衫 !

kah媽由細到大都唔鍾意公主, 亦都好怕小朋友著公主衫出街, 所以一直以嚟都係拖得就拖,係都唔想買公主裙比kahkah !

今年佢大咗ｄ,我講到明公主衫只可著去學校生日會, 平時去街唔可以著, 如果佢應承就買 ! 當然kahkah話好 !

生日會前一日8號風球, kahkah都不知幾擔心, 係咁祈禱希望可以返學開生日會 .

第二日一早kahkah已經問要唔要返學, 好想開生日會 !

準備好哂,今日仲有飛船坐就更加開心!

想信今日學校一定有好多好多公主 !