呢個世界真係好細, 點解? 因為今日我哋會見嘅朋友仔真係好特別....其實佢係識阿婆先嘅, 點知原來佢又係我哋返playgroup 同學仔嘅親戚, 仲要係kah媽同事嘅親戚, 而我哋係係一個生日會裹面相認...真係世界真細小啦 !
我哋約埋一齊去飲茶, 兩位小朋友最初都好陌生, 又話唔洗一齊坐, 點知唔洗十分鐘兩個已經好多嘢傾啦, 佢哋兩個都係同年出世, 不過kahkah細半年, 但都係咁多嘢講咁八掛..... 仲一樣咁貪靚....
2010年3月27日 星期六
聚會
到咗三月份最後一個星期啦, 呢個星期都係大朋友嘅聚會要到復活節先可以約到朋友仔出嚟玩....雖然係大朋友聚會, 但kahkah都樂在其中.......
星期五kah媽先約咗班舊同事食飯, 自從生咗kahkah之後, kah媽已經無做空姐, 眨吓眼都三年啦, 但班同學仔都會約埋聚一聚....我哋係2002/7一齊入呢間公司training嘅, 數數吓大家都識咗8年啦.... 大家都變咗好多, 結婚, 生bb, 另覓高就, 升職加薪嘅都有....難得大家可以抽空聚吓, 各人都掛住傾計,所以影咗好少相, 不過好開心見返d朋友仔....
原本都有小朋友同kahkah玩, 可惜Audrey病咗, 比比又無嚟, 悠悠又早走, 所以得kahkah一個小朋友, 希望下次可以一齊玩啦....
星期六嘅聚會係係我哋屋企攪海鮮宴, 廸廸舅父以十分抵嘅價錢幫我哋買咗好多靚海鮮, 有龍蝦,
海斑,鮑魚, 大聖子......而我哋嘅大廚係信哥哥, 佢真係好勁, 由劏魚到龍蝦放尿,咩都識, 仲要好好味添......
如果無咗佢餐飯都唔知點算...
同蒙古哥哥預祝生日(又有kahkah份?)
2010年3月21日 星期日
錦田鄕村俱樂部
好耐無試過咁早起身, 9:00AM 就要集合... 因為我哋今日會去摘士多啤梨 !
原本高層會一齊去, 但佢公司有嘢做, 所以無佢份 ! 今日嘅同行者有表哥Cheuky同媽媽, Nicole, Kahkah同Jasper, 當然仲有kah媽啦 !
去到俱樂部第一個節目就係摘士多啤梨, 一人一個籃,再加一把胶剪去到士多啤梨田到剪剪剪.....kahkah 係第一次去田個到, 佢好興奮係咁剪
佢仲學人講, 呢粒無蟲可以剪.... 紅色都可以剪.....剪咗一輪我哋就玩其他嘢.... 先去騎馬, 餵小動物, 再去揸車.....
跟住BBQ, 由於太早起身, BBQ咗一陣Kahkah就無電瞓咗覺luu........
表哥同Jasper 就繼續係草地狂奔......
下一個行程係睇樹屋, 真係好大棵樹.... 佢哋三個仲入咗去玩..... 真係好得意 !
之後我哋仲去咗紅磚屋逛逛....玩咗一日大家都好攰係時候回程返屋企luu.......
2010年3月19日 星期五
整餅日
星期六,高層唔洗返工, 相約一班好友去整餅.
係整餅之前,當然要醫肚先, 約咗蒙古同Queenie去食勝香園..... 真係要同佢哋講SORRY, 因為我哋遲大到, 要佢哋兩個排隊等位....等咗成個鐘, 我哋去到見到條龍都嚇咗一跳.... 如果唔係我哋都無得食 !
食飽飽, 一大班人就去街市買餸, 今晚嘅大厨係 Queenie .....
未去到契媽屋企kahkah已經瞓咗, 但由於時間嘅關係係時候開始整餅啦.... 契媽係今日嘅總指揮, 由佢教大家整蛋撻同雞批 .... 由磋餅底開始.
原來整雞批要用咁多牛油,好肥呀 ! 餅底磋好要雪一陣先可以繼續下一個工序.....而d雞批料都預備好哂
好快就應該有得食.....係呢個時候kahkah醒咗加入一齊整餅, 佢話係cooking mama喎 !
佢好似係屋企玩泥膠咁, 玩得好開心 !
話咁快d餅就食得luu, 真係好好味 !
d餅都未消化完, 又食啦 ! 今晚好多嘢食呀 !
2010年3月16日 星期二
剪髮記
一路以嚟kahkah都好似無正式剪過頭髮, 次次都只係修吓前面d蔭或者修吓後面, 而多數都係由kah媽操刀..... 佢漸漸大個, 主意都多咗, 次次叫佢梳辮都好煩, 一陣又話要有d放落嚟, 一陣又話唔要洗頭吹頭, 實在太煩啦 !
我試過叫佢去剪又唔肯, 連有旋轉木馬嘅髮型屋都唔肯.... 係都話要長頭髮, 咁又唔扎辮, 想點呀? 成個傻婆咁!
個日kah媽又去剪頭髮,kahkah當然一齊去, 因為有人想見佢.... 佢同史東哥哥都不知幾好玩, 仲竟然肯比哥哥剪頭髮添, 最初仲諗住要抱住佢剪, 點知唔駛全程自己坐定定剪 !好叻呀!
係史東哥哥操刀下, 好快就剪完, 仲剪得好靚添 !
2010年3月13日 星期六
獅子會團拜+ Kah媽校友聚會
06 -03-2010
今日係獅子會團拜, 仲係由高層做司儀, kahkah 媽同kahkah 當然要去支持一吓....
kahkah 係會中最細嘅,
再加上佢唔怕陌生人,所以d獅友們好鍾意佢....d青獅哥哥姐姐就更鍾意同佢玩, kahkah 無次聚會仲會唱吓歌仔, 好攪笑.....
今次當然唔少得玩遊戲啦, kahkah 都玩埋一份, 舉手答問題.....
唔知kahkah 大個會唔會變咗青獅呢?
13-03-2010
今日踏進校園, 感覺好特別.... 同一個地方,同一班人, 唔同嘅係多咗d 小朋友....
諗返以前返學幾開心, 咩都唔洗諗(雖然依家都係)....自己一個做咩都得 !
見到d老師,同學傾吓笑吓, 咁就一日啦 ! 學校重建之後靚咗好多, 不過我都係鍾意舊校舍多d ! 大石梯, 禮堂, 荷花池.... 始終都係舊嘅好 !
一班好同學....
訂閱：
文章 (Atom)