中華白海豚之旅

22-04-2012

琴日植完樹, 我哋今日又晨早出發去睇海豚 !

kahkah媽都係第一次出海睇海豚,心情又緊張又興奮,唔知睇唔睇到呢?

海豚哥哥同一班靚姐姐

由於係野生海豚,所以係要等佢哋出嚟, 真係小d耐性都唔得........今日我哋好好彩,海豚好快就出嚟同我哋見面!

我哋終於可以近距離見到海豚 ! 真係好開心! 由於kah媽無長鏡,所以影得唔係好清楚 !
 

除咗睇海豚之外, 海哥哥仲會介紹下海豚嘅生活習慣 , 特色, 同埋點樣可以保護海豚......
kahkah上咗十分充實嘅一課, 仲返學校同小朋友分享 !

 

獅子會植樹日

21-04-2012

近日學校教緊環保同植樹, 而正好高層獅子會有活動關於植樹, 就同kahkah一齊去!

今日活動嘅地方係一間學校, 仲有好多小朋友一齊!

kahkah好專心聽住植樹嘅方法

呢間學校有好多特別嘅嘢, 有好大隻嘅龜,變色龍,溫室........

今日除咗植樹之外, 仲有盆栽同小型盆栽 ......先寫下自己嘅名同信息就可以開始 ......

 

呢盆玫瑰,係以kahkah個名為名~ anikah rose , rose係kahkah嘅聖名嚟架!

 

開始植另一盆小盆栽

姐姐教佢植樹嘅步驟, 最初佢都怕污穢, 不過當姐姐講解之後,佢都肯動手做! 植完一盆之後,仲問可唔可以再種!

活動完結, 姐姐仲送咗一盆比佢返屋企照顧 !

懶 !

 

 

 

實在太懶啦!!係時候要upodate下個blog !

除咗懶之外, 無時間update都係其中一個原因 ! 由於下學期開始kahkah 一個禮拜有4日都要學嘢 ,只剩返星期一得閒, 不過星期一下午kah媽都會同kahkah一齊午睡 ! 哈哈 !

所以個blog 生了好多茹茹 !

除咗blog生茹外, cute cute飯盒都一樣生茹了, 不過夏天嚟啦, 一齊會回復正常 (希望 ) !

呢幾日天氣熱咗, 又可以整下cute cute 飯盒 !

不過無整一排真係有d 生疏!






似apanaman 嗎 ?



今日仲整咗上海烤麩 !

廸士尼嘉年華

09-04-2012

琴晚澳門返,今朝又即刻出動去廸士尼食buffet !
舊年kahkah仲有d驚卡通人物,今年大個女不單止唔驚,仲識叫卡通人物簽名 !

舊年超級驚佢,今年竟然可以比佢攬到實一實 !

今日天氣唔好,嘉年華移到室內舉行,雖然氣氛無上年咁好, 但唔洗曬,又安全 d !仲一樣有咁多嘢玩 ! 攤位遊戲,跳彈床,車仔,畫畫......已經極晒佢哋玩 !

 

細佬仔好得意,成日都要拖住kahkah !

去完廸士尼齊齊去西貢食海鮮 !

kahkah今日嘅傑作 !