由於kahkah讀天主教學校, 唔會慶祝halloween ,雖然係咁, 但學校安排咗另一個活動比呢班小朋友 ! 名為" 嘩 !嘩 !嘩 !世博在 xx !
返到學校見到每個小朋友都著得好特別, 好靚, 有印度西施, 日本娃娃,中國娃娃, 印第安人..........當然唔少得小長今 kahkah啦 !
當日課學, 每個小朋友手上都有一包糖果, 個個面上都充滿笑容, 相信佢哋一定玩得好開心!
玩咗一朝, 呢班小朋友都唔攰, 放咗學仲玩咗一輪先肯離開 !
除咗小朋友嘅靚相, 點少得一班勞苦功高嘅老師們 !
返到屋企, kahkah第一時間捉住朱古力影幅靚相 !
大家見到呢張飛, 一定好興奮,好忘我 !當然唔係kah媽第一之次睇啦, 而係kahkah !
因為某些原因, 所以kahkah有幸睇草蜢 ! 草蜢係邊個kahkah當然唔知, d 歌更加無聽過 ! 但佢一樣咁興奮 , 只限於快歌 ! 佢仲問點解仲未啪唱lady gaga ?
阿婆仲買埋呢支mickey mouse捧捧比佢 !
高層仲放工趕嚟, 一路睇一路食飯 !
兩婆孫好投入, 又跳又唱 !
kahkah 大部份時間處於興奮狀態, 大家最初仲諗佢會唔會驚又或者怕嘈, 但諗唔到會咁投入 ! 我諗佢好快可以一齊同高層去飲嘢架啦 !
kahkah最終係big 4出嚟時開始無電, 仲要瞓埋, 咁嘈都瞓到 !佢都好犀利, 係完場前半個鐘先七無電 !
問佢下次仲睇唔睇, 佢話好不過要叫埋表哥 !
高層離開香港兩個星期終於都返嚟, 除咗自己返香港, 仲買咗好多禮物返嚟 !
由於高層缺席咗好多次美食宴, 所以佢班朋友特設呢個晚餐比佢, 順道幫kah媽預祝生日!
Thanks all of you !
星期日kahkah去雪雪生日會
本來我哋唔可以出席雪雪生日會, 但由於鮎魚嘅出現, 生日會改期, 所以兩個妹妹又可以見面 !
今日雪雪好靚,祝雪雪身體健康, 日日都咁開心 !
主角呢一身公主打扮好吸引kahkah!全程都要拖住雪雪 !
一直已嚟kah媽盡量唔提公主呢樣嘢, 雖然kahkah都略知一二, 但從來都無要求要扮公主, 但入咗幼稚園之後, 學校d 同學扮公主,好多公主係佢身邊, kahkah終於開口啦 ! kahkah : 可唔可以著公主衫呀, 我都想扮公主喎 !
唉 ! 終於都逃不了 ! 公主衫拖得一日得一日, 但kahkah依家每次去街都話要著裙, 仲要係蛋糕裙加"clock clock" 鞋 !
9月尾打風, 仲要係超強? 好得人驚呀 ! 但我哋換嚟兩日假期 !
第一日,一早起咗身, 即刻落超市入d貨, 但最後都入埋一d無謂嘢 ! 係屋企無所事事, kahkah又係度畫叮噹!
畫開叮噹, 就日日都畫, 會唔會有d悶呢 ? 等kah媽同你畫新嘢....今日買嘅無謂嘢之一~ 手指畫書, 呢本書真係唔錯, d圖案好簡單kahkah自己可以自己照住畫...
就係咁過咗一日, 出面風雨都無, 聽日應該可以接機 !
第二日, 一覺醒來仍然係三號風球, 見風平浪靜,夜晚要去機場接高層機, 就相約朋友仔玩一陣......先去kah媽舊公司搵朋友, 仲同kahkah入去行咗一圈, kahkah見到shop有好多嘢買都無話買, 咁奇怪? 原來有位哥哥已經送咗一份禮物比佢, 唔怪之得話唔洗買啦 !( 話時話kah媽無做幾年, 但d crew仲認得我, 仲連我個名都記得!有d驚喎 ! )
之後搵朋友仔,自從返咗學兩小無猜好耐無兩個一齊去玩, 無見一排......今日又手拖手行街街 !
玩咗成日, kahkah已經好攰, 去到機場無位坐, 就連呢個放行李嘅位都唔放過 ! 好咗佢細細粒先塞得落 !
一見到高層幾開心, 因為成大半個月無見啦 !
呢兩日就咁就過咗啦 ! 都好可以休息吓 !
雖然高層去咗美國, 但今晚約咗班大朋友食飯 !
kahkah瞓醒晏覺, 就出發去Jackie 契媽屋企 !
主角出嚟之前, 先嚟小食 !
主角嚟啦 !要多得Uncle mo 同 Aunty Lily 我哋先有澳洲新鮮運返嚟嘅生蠔食 !
睇吓幾大隻!
當然唔少得呢兩位熟手技工 !無佢哋兩位, 就無得食 !
除咗蠔, 我哋仲有大閘蟹食 ! kahkah食咩 ? Jackie契媽同信哥哥一早為佢預備咗好好味嘅意粉, 但由於大家掛住食所以唔記得影相 !
Thanks for the yummy food !
近期kahkah最愛畫圖畫
某日朝早, kah媽係半夢半醒中,聽到小時候電視成日播嘅畫叮噹.....以為自己發夢,原來kahkah睇緊you tube入面d嘢,唔知點解佢自己搵到呢個畫叮噹嘅片段.....
自此之後佢就日日係度學唱呢首歌, 面唱就一面畫......仲畫得幾似架 !
依家仲學唱日文版.....
本來都諗住比kahkah學畫畫, 但發覺好多畫班都係老師畫outline, 之後小朋友塗顏色, 所以就放棄咗.....見kahkah咁鍾意畫畫, 等kah媽同你一齊畫吓先....
先教佢畫吓牙籤畫, 第一幅kah媽先幫佢用白膠漿畫outline, 跟住叫kahkah自己"滅"牙籤黏上去, 再塗顏色..
第二幅由畫outline到塗顏色都係佢自己一手一腳做 !
