唔經唔覺kahkah已經返咗一個月K1啦.....基本上佢都好鍾意返學, 當然有時都因為眼瞓會唔肯起身...對於一向瞓到11點幾至起身嘅kahkah,而依家每日要8點嘅起身,已經係一大進步 !可能都要再早d瞓覺啦 !
呢個月尾開始kahkah有功課做啦, 每逢星期五老師都會派d工作紙......而kahkah仲學識咗唱好多首歌, 最鍾意就係唱波波 !
除咗唱歌, kahkah仲學識咗祈禱, 除咗中文,連英文都識,對於唔係教徒嘅kah媽最初真係唔知佢講咩, 最係經由高層教徒聽完之後先知佢用英文祈禱 !
一向獨立嘅kahkah返咗學之後, 變得再獨立d同, 好似洗手識整起衫"就",唔會整濕件衫, 食完嘢又識將碗筷放入廚房, 仲識幫手抹抬....
踏入秋季, 最好就係去郊遊.....
今日高層公司去旅行,一齊去玩luu .....目的地 :
去到已經係lunch time, 大家BBQ完就開始自由活動 , kahkah 食條雪條先 !
我哋都係第一次嚟呢度玩, 又真係幾多嘢玩喎....周圍都種咗好多農作物.....我哋見到最多係楊桃樹同大樹菠蘿樹 .....
第一個節目就係騎馬....仲係騎Kelly Chan 嘅明星白馬 ..... 呢個kahkah真係好大膽, kah媽騎時都有小小驚.... 而kahkah真係一d驚樣都無, 仲好淡定咁扶實隻馬 ! 拖馬個姨姨仲驚過佢 !
坐埋牛牛車
kahkah就話要去餵動物, 佢最鍾意呢個玩意 !
仲有唔少得呢個遊戲啦 , 仲攞咗2條金魚返屋企添 !
再唱埋大波波同細波波，就要返屋企 luu....
玩完一日, 呢晚應該瞓得好好 !
眨吓眼, kahkah已經返咗2 個星期學啦 !
kahkah每日放學都話好開心, kah媽見到佢咁鍾意返學, 真係好開心 !
三日陪返學之後, 小朋友開始要自己上學去
家長只可以送到門口, 小朋友要自己行樓梯上課室 ! 最初見到d小朋友自己上樓梯好似好危險,背住書包, 左手茶點袋, 右手扶扶手, 個個行得好" 論盡" , 但一個星期之後, 個個已經行得好叻,好快, 好穩陣 ! 真係大有進步 !
放學luu ....有人好眼瞓 ?
頭一個星期, kahkah都只係返一個鐘, 係短短一小時, 學校真係無特別嘢可以做到, 據kahkah放學返嚟嘅報告, 只係食茶點, 跟住就放學啦 !
kahkah嘅新朋友 !每日放學都要一齊洗洗手, 一齊走 !
一星期之後, 老師同kah媽講kahkah講嘢好叻, 好懂得表達自己, 仲好主動, 好投入學校生活, kah媽聽到當然好開心, 好安慰 !
希望佢日後都咁鍾意返學 .....
第二個星期, kahkah開始返三個鐘, 佢就話依家返學仲好玩 ! kahkah嘅報告就更加詳細 : 返到學校玩一陣玩具, 音樂響(鐘聲)小朋友就要執玩具, 跟住祈禱, 排隊去洗手間, 跟住食茶點, 唱歌, 玩遊戲 / 老師講故事/ 玩滑梯, 排隊去洗手間, 祈禱, 放學 ..... 係咪好詳盡呢 ? kahkah真係好投入 !
返咗學兩星期, kahkah有好多轉變:
從前: 同kah媽一齊瞓到好晏 現在: 早睡早起
從前: 食得慢 現在:食飯食得快咗, 多咗
從前: 因講得好快,唔太清楚 現在: 講得慢咗同清楚咗
仲有真係有留心上堂, 知道老師叫佢要帶嘢返學 , 做 d 咩 ! 佢仲識得祈禱 !
唔單止kahkah有轉變, 就連kah媽都有: 一樣都係早睡早起, 開始每日都食早餐，同媽媽團一齊飲茶 (一路以嚟無食早餐嘅習慣, 因為起身已經係lunch time), 小咗時間shopping ! -__-
係呢兩個星期除咗kahkah識新同學, 就連kah媽都識咗一班好媽媽 ! 每日都傾得好開心 !
kahkah呢排最鍾意唱嘅歌 ~讚美主 !
返咗三日學嘅kahkah, 嚟到星期六以為佢會瞓晏一d, 點知一早又起咗身.....
kahkah :點解唔返學呀 ?
kah媽 :今日唔洗返幼稚園, 不過要返日文..... 可以瞓多一陣先起身 !
kahkah: 咁好啦, 等我歎一陣先 !
但最終都起咗身玩 !玩到夠鐘返學 !
上完日文我哋去開生日派對....有魔術表演, 有畫面,有氣球, 仲有表哥同佢玩, 所以玩得特別興奮.....
星期日, 又係咁早起身, 咁係咪以後, 星期一至星期日都要咁早起身 ???????
起咗身無嘢做, 煮個早餐大家食啦 !
同Jackie契媽食完tea, 跟住再去 BBQ! 好耐無 BBQ啦 !
kahkah係燒嘢食時已經有d眼瞓, 點知食完碗飯, 連Russell 哥哥話買雪糕比佢都唔食, 因為佢已經無電..... 唔洗5分鐘已經瞓著.......
今日係最後一日家長可以陪小朋友返學嘅日子, 而高層終於趕得到嚟睇kahkah上堂 !
每日返到學校, 小朋友都要先係禮堂早會 ! 做咩咁興奮呢 ?
因為老師係台上教唱歌 !
嚟到第三日,大部份家長已經唔陪小朋友上堂, 不過由於高層無睇過kahkah上堂, 所以成個班房得佢一個家長 !而kah媽今日終於去咗聽校長嘅分享會 !
茶點袋櫃 !
之前兩日老師將全班分開一半, 今日30 個小朋友係返埋同一個班房......但一d都唔迫, 因為個課室好大! 不過高層話有好多小朋友喊, 一個喊, 其他小朋友就跟住喊, 好似大合奏咁 ! 而小朋友今日可以嘗試食茶點 !
返到屋企, 問kahkah今日係咪食茶點 ? 佢話係, 不過係泥沙味 !點解係泥沙味, 因為一咬就好似泥沙咁跌落嚟, 唔好食, 所以同老師講話飽 ! 咁都比佢諗到 !
老師今日仲派咗精美茶點袋, 手冊比佢哋, 仲貼好哂名添 !
三日陪上堂嘅日子已經結束, 下星期無得陪luu, 不過都係返一個鐘 ! 問kahkah下星期自己返學會唔會喊 ? kahkah話唔會, 返學好好玩 !
第二日早起身, kahkah已經無咁呆滯啦, 係車上面都有d笑容 !
今日 kahkah上 PE堂, 要著運動衫 !
大家係禮堂早會,跟住先入課室. 睇吓kahkah幾專心祈禱 !
入到課室, 小朋友先要搵返自己將個坐位, 抬面上已貼咗佢哋個樣!呢個就係kahkah個坐位 !
搵到位就要將自己個書包係椅背後面, 先至開始玩玩具 !
上堂鐘響起, 小朋友又要排排坐, 老師叫名出去同winnie the poon 講早晨 !
今日佢地玩音樂椅遊戲, 等佢地可以認自己個坐位係邊 !
放學kahkah唔肯走, 因為佢話未跑步( 佢話著運動衫要跑步,但今日只係唱咗歌同玩遊戲 ) ! 唔緊要, 以後一定有機會比你跑步 !
希望kahkah每日都好似呢幅相咁, 笑得咁開心 !
期待咗好耐嘅一日終於來臨啦 ! 9月1日 ~ kahkah 第一次返學嘅大日子 !
學校為咗減少小朋友對陌生環境產生焦慮同不安嘅情緒, 所以家長可以陪小朋友上堂, 三日咁多 !
今日表姨媽送我哋去返學, 全程車kahkah呆呆滯滯咁, 一嚟可能未瞓醒 (平日瞓到1100, 今日0730就要起身), 二嚟佢好緊張 !
去到學校, 第一件事每個小朋友同家長一齊影幅相留念, 可惜高層今日嚟唔到啦!
影完相, 一落地即刻醒哂, 好興奮咁自己行上課室 , 準備玩玩具.....
上堂啦, 小朋友排排坐聽老師講故事.....其實當日如果小朋友唔喊, 家長可以選擇到禮堂聽校長分享.....不過kah媽無去到, 唔係因為kahkah喊, 而係kah媽想睇kahkah第一次返學嘅情況, 話哂第一次返K1, 一生人得一次, 當然要影吓相, 拍吓video 留記念 !
第一日上堂, kahkah已經好投入, 唱歌, 拍手 ,答問題, 祈禱, 玩遊戲......全程投入, 一個好開始, 希望佢每日都咁開心, 咁投入學校生活 !
老師今日派咗名牌比kahkah !
仲有好靚嘅書包, 睇吓kahkah幾開心 !
由於係適應期只返一小時,所以話咁快就放學啦 !
希望kahkah係呢間學校讀得開開心心 , 期待精彩嘅每一天 !
