齊齊學溜冰 ~ 第六堂

嚟到第二期嘅溜冰班, 今日排排坐等哥哥嚟接....

一出到去kahkah又掛住同瑤瑤傾計......學咗六堂之後已經無得再用櫈仔啦....

有表哥捧場, kahkah超級開心 !

哥哥今日畫咗一個大圈, 一班鴨仔一個跟一個咁學滑.... 齊齊行幾步, 跟住就向前滑....呢班小朋友真係好叻, 個個都好比心機咁學....雖然成日跌, 但係都無因此而放棄......

今日除咗學滑前之外, 仲學後溜, 一班媽媽們真係有d嚇親, 突然教d咁犀利嘅嘢  ?!

自娛kah

平日kahkah係屋企會做咩? 自娛

畫公仔,玩bb車, 玩公園,同朱古力玩.....

今日就同 Elmo又唱又跳, 仲有觀眾架.... Mell 同白老虎

而自從有咗iphone 之後, 仲多咗個活動, iphone學唱歌, 之前唱d英文兒歌, 而呢排轉唱國語歌 .....

成日無嘢做就攞咗kah媽個電話玩,一陣又話餵狗, 一陣又話影相, 總之就當咗個電話係佢....

齊齊學溜冰 ~ 第五堂

話咁快就到咗暑期班嘅最後一堂.....

今日個個都大有進步, 五堂之後, 全部小朋友已經可以自己行嚟行去啦 ! 唔怪得知d研究話, 六歲之前嘅小朋友吸收力係最強 !

頭5分鐘哥哥仲比櫈仔佢哋,但之後櫈仔就收埋哂luu....

一人一個雪糕筒, 預備學新嘢.....睇吓哥哥個post, 擰 patpat ?

 

 

蕃薯kahkah終於都跌咗落地....

瑤瑤今日好叻, 可以自己行....

雖然今日個個都跌咗好多次, 但佢哋都唔驚自己起身再行過, 勇氣可加 ! 叻叻!kahkah 仲扶人起身, 但你邊度夠力呢 ?

落堂啦, 今日佢哋唔再ug櫈離開, 而一個跟一個自己行出去 !

 

見一班小朋友學得咁開心, 又咁有成果, 所以媽媽們又幫佢哋報名繼續學 !

兩小無猜遊書展

兩小無猜又出動啦....

今日我哋一齊去書展逛吓, 大家先係IFC食個lunch先至出發 ! 係短短嘅的士車程, 佢哋兩個自己搵話題傾計, 內容好簡單, 只係講大家依家去邊, 但好好笑, 好似大人咁傾計..... 佢哋真係長大啦, 已經唔係一舊飯嘅BB.... 佢哋有要求, 有原則,仲有好多多變化.......

今日書展都唔算好多人, 都可以慢慢睇,慢慢買....呢兩個寶貝仲可以坐吓玩吓, 一齊畫Toy story 公仔, 玩遊戲....

點解kahkah係台上面 ? 話說kahkah聽到主持人話想玩遊戲嘅小朋友請上台, 佢就自己跟住d小朋友上咗去啦, 可能佢以為好似上次係日本咁跳舞, 所以急不及待就走咗上去啦.....而Jacob見到kahkah上咗去, 佢又話要去....而kah媽相信佢哋兩個係唔知人哋做緊咩, 只係見其他小朋友做咩就跟住一齊做.....咁都好証明佢哋兩個唔怕羞, 仲好勇敢上台玩.....

Jacob好乖，同kahkah分享食物...... 唔經唔覺原來我哋行咗成4個幾鐘, 而收穫都唔錯.....

 

呢個架又真係幾好用喎, 可以令kahkah坐到好直咁畫公仔.....

呢個細嘅都唔錯....

去完書展, 我哋約咗朋友仔食自助餐, 正確嚟講係食蠔加長腳蟹, 因為d蠔係即開即食, 好新鮮, 所以其他食物大家都唔係點食.....而kah媽今日食得特別開心, 因為 Russell哥哥幫我照顧kahkah, 仲餵佢食飯..... 真係要唔該哂Russell 哥哥, 令kah媽可以安心食蠔....

畫圖畫

kahkah細個已經好鍾意攞住支筆畫嚟畫去, 近期仲畫到似模似樣...

佢話係叮噹嘅公仔?

油顏色都油得好靚, 可能佢有kah媽嘅因子(kah媽一向對美術, 手作仔特別有興趣), 所以kahkah一得閒就搵d紙出嚟剪吓, 貼吓, 油吓咁....

偶然佢會寫d薯仔文....仲問你要食咩, 幫你落ordeｒ...

平日kahkah最鍾意用粉筆畫公仔, 最近又搜羅咗一d新畫簿比佢, 畫完可以刷返,環保 d ! 佢仲可以自己攪點, 唔洗煩住我, 成日都問我d紙係邊呀 ?

細個本仲可以方便攞出街添...睇吓佢個robot...

買多d (功課) 比佢, 一舉兩得, kahkah 又可以自己玩, 又唔洗我理 !佢自己畫完, 仲好有滿足感添 !

齊齊學溜冰 ~ 第四堂

眨吓眼已經嚟到第四堂啦!

今日哥哥除咗畫咗線係哋下,仲加多咗一個圈.....一人一個唔洗爭, 但唔知點解成堂kahkah都霸咗瑤瑤個位 !

放手企, 自己行對呢班鴨仔已經唔再係問題

 

今堂佢哋再學跌! 其實學跌係一個重要環節, 記得上次去滑雪, 教練都有教跌, 佢話識跌好重要, 而跌咗仲要自己識起返身 !咁可以減低受傷嘅程度.....

一班大蕃薯, 好攪笑....

今堂除咗學跌之外, 佢哋仲學做體操 !而個圓圈就係用嚟做體操架啦 !

齊齊學溜冰 ~ 第三堂

今日學溜冰之前, 表哥約咗kahkah去睇Toystory 3!　經過上次睇3D嘅經驗, 所以kahkah自備咗 3D眼鏡,咁就唔洗全程用手扶咗幅眼鏡, 咁攰!佢仲唔同kah媽坐, 自己走咗去同表哥一齊坐! 

睇完我哋快快食個lunch就要去溜冰la....上一堂佢哋已經試過放手自己行, 所以今堂哥哥再叫佢哋行遠d , 睇嚟佢哋好快可以學識啦 !

 

 

今日上完堂, 仲同Jacob一齊租企鵝再玩多一陣, 可能對溜冰好重,kahkah玩咗半個鐘就話唔玩要走啦..... 咁又係加埋上堂都玩咗一個鐘....咁下次再玩過啦 !

甜在心

話說今日趕住出門口同kahkah去睇醫生,途中發生嘅事

kah媽: 哎呀, 無攞外套添, 今次凍死我啦 !

kahkah:唔緊要我比d溫暖你呀...

kah媽: 點比呢?

kahkah: 我攬住你咪得囉 ..

kah媽: 攬住就會唔凍咩?

kahkah: 係呀, d企鵝都係攬住咪唔凍, 唔洗著衫架 ( 我諗之前佢睇小企鵝大長征學架)

上咗車, 佢自己著完衫之後即刻問我, 你凍唔凍呀, 我比d溫暖你呀 ?

kah媽真係好甜, 好開心.... 唔知你大個咗仲會唔會係咁呢?

 

 

熱辣辣360

點解咁熱kah媽一家走咗去360 ....

由於台灣獅子會嚟香港, 而高層所屬之獅子會負責招待, 同佢哋去360, 而kah媽都未去過, 所以襯呢個機會去玩.... 因為高層同kah媽一定唔會山長水遠去360 ! 

一早起身飲完茶就上旅遊巴出發去東涌坐360...... 好彩我哋係包團, 所以已經排少好多隊啦..... kahkah 真係好無耐性...

唔駛10分鐘可以上車,仲發脾氣?車上嘅風景又真係幾靚....

 

終於上到山啦.... 真係好曬, 好咗有d風,如果唔係真係會中暑

係寶蓮寺食埋lunch, 其他團友繼續行上大彿, 但我哋就怕怕啦,係市集行一陣飲杯嘢就算luu, 真係到此一遊....

.

就連鯉魚門嘅海鮮宴我哋都放棄....一嚟高層要去睇醫生, 二嚟真係太攰啦( 今日無bb車 ), 都係返屋企休息吓好 d !