夏天終於都來臨啦.... 今日kahkah 約咗Jackie 契媽等人一齊去游水, BBQ....
kahkah 不斷咁問今日係sunday 要去游水喎, 行得未呀? 未呀, 點解? 因為高層同獅子會去咗做義工仲未返嚟囉 !Kah媽同kahkah 係屋企等高層等到呆咗啦,最終我哋成3點幾先由屋企搭的士去大浪灣....全程車kahkah 都係覺覺豬, 咁都好唔洗一陣眼瞓....
終於都到達目的地, Jackie契媽佢哋已經開始BBQ啦, 今日Jackie 契媽為大家預備咗好多嘢食, 仲有神秘食物~薑蔥蚝添....
不過kahkah 一去到就準備去玩水, 對d 美食毫無興趣... 好啦kah媽就同你去玩水先啦!
我哋今日準備咗支水槍玩水, 佢仲記得要跳浪添, 見到佢玩得咁興奮, 真係好啦 !由於今日無太陽有d凍, 所以唔可以玩咁耐, 等下次早d嚟, 又有太陽咁先可以玩耐d ! kahkah 好乖佢都明白肯返上去BBQ.... 既然係咁我哋就攞D 沙同水比你係BBQ場玩啦.... 但上到去佢又唔玩Luu, 因為佢見到有滑梯玩.....
可能肚餓佢好快咁食咗一輪就去咗公園玩...
BBQ完由於高層要返西灣河投票, 咁我哋可以食埋糖水先返屋企.....Kahkah食咗芒果涼粉爆爆珠....
kahkah 今日好曳.... 佢係都唔肯將跌咗落地嘅叉"dum"落垃圾桶 , 仲要放入口....比佢激死... 超級硬頸, 結果當然係比人打啦......如何對付硬頸妹 ?
我仲記得第一次同阿大小姐去燒嘢食,嗰陣佢得三四個月大... 嗰次大約係中秋或十月咁上下~ 嗰次好齊人架,我地成班同學,阿信同蒙古都有一齊去添~~~
回覆刪除當時阿朗朗仲喺媽媽個肚嗰度,就黎出世,而嗰晚我仲第一次估阿sofie媽媽有左sofie,因為我嗰晚聽到阿sofie爸爸同sofie媽媽講,話啲蜆有酒,唔好食.... 心諗"有酒唔食得,唔通有左?" 哈哈,原來真係!!
轉下眼.. 當日全程都係訓喺架BB車度,一舊飯的大小姐今日已經可以自己拎住支叉燒嘢食,又問呢樣又問嗰樣,乖嗰陣又冧死你,曳嗰陣又真係激死你... 大小姐,你要乖啲,要聽媽咪話,唔好咁硬勁,激親媽咪要say sorry,錫返媽咪了!你要做個乖的小朋友,做朗朗同sofie的好榜樣啊!