食乳鴿

今日去開沙田辦貨, 又唔想係新城市食晚飯, 因為太多人啦, 又限住食幾耐, kah媽同高層最唔鍾意限時限刻, 突然諗起龍華, 咁就試吓打去訂位, 又比我哋訂到, 咁就一於去試吓啦 ! 由於無車去, 唯有行去....沿途行去高層話不斷咁問間嘢得唔得架, 點解無其他人行去食嘅, 吓我都唔知架都未去過, 算啦都行咗一半試吓囉, 唔啱食咪走luu..... 

行咗十分鐘終於都到啦, 嘩! 人山人海,原來咁多人喎,

好彩訂咗位, 唔係就有排等....好快我哋就有位,仲按排坐係有人唱歌個個廳,

kahkah覺得好得意, 又開始問問題.....點解有人唱歌? 點解嚟呢度食飯? 佢一聽到食乳鴿即刻好開心, kahkah自從係Jackie契媽屋企食過乳鴿之後, 佢就愛上咗!可以自己消滅大半隻乳鴿 !

今餐飯kahkah好忙, 個姐姐每次唱完一隻歌, 佢唔理三七二十一, 即刻放低手上嘅嘢係度拍手, 連隔離枱d人都笑 !

由於佢太攪笑,

待應哥哥請佢食好滑嘅豆腐花添!( 張張枱都要比錢食, 只係得我哋免費) kahkah真係犀利 !

食飽飽, 我哋周圍行咗一陣, 又有公園, 又有孔雀, 仲有個日式花園添 ! 雖然要行一段路先嚟到, 但都可以再去!

扑扑趣, 請比趣 !