同嫲嫲慶祝母親節

為免人多擠迫, 姑媽約咗kahkah 預早同嫲嫲慶祝母親節.....食lunch buffet ! 點知塞車加上去錯地方, 最後當然又遲大到......(掛住食無影相添)

食飽之後, 又去咗kahkah 最鐘意嘅玩具反斗城, 但好奇怪kahkah 去嘅目的唔係買玩具, 而係推迷你購物車, 每次一去到第一時間就係搵車, 之後就係入面推一個圈, 玩埋長頸鹿單車同划艇, 就自動自覺泊車走人........ 姑媽以為佢會買玩具, 但佢好似對d玩具毫無興趣, 覺得好奇怪.......

今日microsoft 係海運攪咗function, 可以同豬豬影相, kahkah 都影咗幾張,

之後姐姐仲送咗枝花比kahkah 添......

kahkah 今日仲做咗一件事, 就係捐款比地震災民,

唔好以為佢唔知做咩要捐款喎, 因為kah媽每日都會同佢睇新聞報告, 所以佢知地震係咩, ( kahkah : 地震即刻間屋爛咗無屋住, 無嘢食, 無媽咪), 仲知立法會係咩, 不過佢會講為: 立圾會即刻開會囉, 要傾嘢囉....好攪笑!