同婆婆慶祝生日& 母親節 !

五月份又係婆婆生日,又係母親節 ,所以每年都一次過慶祝哂.....

近排kahkah 特別黏kah媽, 就連佢至鍾意嘅表姨媽同表哥都唔肯跟, 係都要跟埋去攞蛋糕 !一邊等, kahkah就一邊食....

個蛋糕實在太重, 好彩舅公突然出現, 攪點kahkah.......

kahkah 見到表哥畫咗幅圖畫送比婆婆, 佢都畫埋一份.... 表哥做咩佢做咩, 兩個扮嘢豬!

到咗晚飯尾聲, 係大家傾傾講講嘅時候, kahkah 突然問點解蛋糕仲未嚟? 原來佢一直都掛住個蛋糕..... 唔知點無論係邊個生日, 吹蠟燭嘅都係kahkah .......

食飽後不斷攞住個大嘴鳥, 周圍夾人, 周圍跳舞....