新朋友仔

今日Russell 哥哥介紹一個新朋友比kahkah識.....

呢個姐姐第一次嚟香港, 佢係住係好遠好遠嘅 New york city.... 最初諗住同姐姐去遊山玩水, 但最終都係係海港城玩咗一日.....

初初去到餐廳,都係各有各玩, 之後就.....kahkah呢餐飯好叻,係自己食架,點解 ?  因為佢見到姐姐自己食飯, 當然有樣學樣啦.....食飽飽, 佢哋開始熟落, 姐姐仲講故事比佢聽....

姐姐好叻架, 識3國語言, 廣東話, 國語, 英文都十分流利, 如果kahkah可以咁就好啦 !

跟住問kahkah同姐姐去邊度玩, kahkah話玩具反斗城啦....全程姐姐都拖實kahkah, 兩個仲好開心添.....

 

去完玩具反斗城, 再去冒險樂園玩......

可惜姐姐今日要去baby shower, 所以5點幾就要走啦.... 走之前同姐姐set個靚頭先 !

見到佢哋玩得咁開心, 姐姐又咁照顧妹妹, kah媽都有一刻諗過生多一個baby 同kahkah玩, 因為呢個姐姐都係獨女, 而佢都想有個妹妹, 可能kahkah將來都會咁諗.....不過kah媽都係諗吓咋.....都係唔好啦, 一個kahkah已夠哂數 !