同表哥去街街

自從表哥升咗小一之後, kahkah好耐無同表哥去街啦! 呢排放暑假, 高層又唔係HK, 所以成日去咗表哥屋企食飯....... 佢兩個無玩一排, 一見返又玩到顛咗, 咩都玩得一餐, 仲一齊打機添....晚晚食完飯,玩wii, 仲話要唔返屋企瞓.....

今日仲約咗表哥一齊去唱K 添......

佢兩個真係攪笑, 一個唱韓文, 成首4MINUTE 唱哂, 一個唱 Lady Gaga（bad romance), 當然唔少得nobody la, 又唱又跳......真係勁呀 !

唱完K，發生咗一件嚇死人嘅事, 就係唔見咗kahkah..... 話說表哥係滑梯吓等kahkah落嚟, 點知等極都唔見, 表哥就上去搵佢, 但唔見佢 ? (只係幾分鐘嘅事) 大家即刻周圍搵佢啦, 最後kah媽見到kahkah坐咗係服務台, 當時佢面上有兩條淚痕, 但又唔係豪哭....而服務台個姐姐仲話佢好叻, 識話比人聽叫咩名, 幾多歲....不過真係嚇死我... 而kahkah個心仲跳得好犀利! 最奇嘅係 : 姨媽話明明見到kahkah行咗上樓梯, 但最終又無"sir" 落嚟, 仲唔見咗 , 真係好離奇, 簡直係一個迷!

離開呢個"奇"地方之後, 搵埋阿婆, 舅公一齊去食海鮮......一去到即刻霸住支cola....

睇吓佢哋兩個 !