暑假完結前 ~ 台北之旅

放完暑假後, kahkah 就要返學啦, 咁即係話唔可以再成日去旅行, 要去都要等到學校假期先可以去luu....

雖然我哋去完日本無耐, 但由於高層整個8 月都要出trip, 我哋就親呢個機會係暑假完結之前再去一次旅行.... 原本一路都諗住去上海世博, 但高層嘅同事叫我哋唔好去.... 所以我哋轉戰台北!

 話就話kahkah搭過好多次, 長途, 短途都試過, 但剩係我倆個都係第一次.....今次機程只係一個鐘到, kah媽唔係擔心佢喊, 而係擔心要陪佢玩足全程..... 因工作關係知道短程機無電視好睇, 遊戲更加無, 仲連fun pack都無....咁即係玩我啦 !

如我估計全程機都要kah媽陪玩...... 好彩一落機有人接我哋,可以好舒服咁係車覺覺豬....

但kahkah話點解唔係daddy接機? 高層當然留力係酒店等我哋, 只係派人嚟, 咁佢就可以透多一陣.....

放低行李我哋去咗A380餐廳食lunch, 又係飛機餐, 呢個好味得多, 但入到餐廳都係有陣飛機味.... 睇吓kahkah食得幾好味就知....

食飽我哋都係係商場逛吓, 因為天氣實在太熱.....

唔知係咪香港嘅商場特色, 主力係要買買買食食食, 無其他嘢可以做呢? 好多時去到外地, 人家嘅商場除咗買嘢, 都會有d嘢娛樂吓小朋友....今次我哋就見到有手工整.....kahkah自己主動想玩喎..... 佢話要整漢堡飽.....

小朋友要自己動手做, 姐姐好細心咁一個步驟跟一個步驟教佢哋做,

如果放心的話小朋友可以自己坐係度做, 家長可以係附近休息吓, 當然都可以陪佢一齊啦.... 而kah媽同高層就輪流閃開......因為做呢個手工大約要45分鐘......

完成 !

玩完一輪, 又係食嘢嘅時候, 下一站向夜市出發......kah媽好耐都無去食食食啦..... 蚵仔煎, 蚵仔麵, 珍珠奶茶, 胡椒餅, 好多好嘢食.....