兩小無猜又出動啦....
今日我哋一齊去書展逛吓, 大家先係IFC食個lunch先至出發 ! 係短短嘅的士車程, 佢哋兩個自己搵話題傾計, 內容好簡單, 只係講大家依家去邊, 但好好笑, 好似大人咁傾計..... 佢哋真係長大啦, 已經唔係一舊飯嘅BB.... 佢哋有要求, 有原則,仲有好多多變化.......
今日書展都唔算好多人, 都可以慢慢睇,慢慢買....呢兩個寶貝仲可以坐吓玩吓, 一齊畫Toy story 公仔, 玩遊戲....
點解kahkah係台上面 ? 話說kahkah聽到主持人話想玩遊戲嘅小朋友請上台, 佢就自己跟住d小朋友上咗去啦, 可能佢以為好似上次係日本咁跳舞, 所以急不及待就走咗上去啦.....而Jacob見到kahkah上咗去, 佢又話要去....而kah媽相信佢哋兩個係唔知人哋做緊咩, 只係見其他小朋友做咩就跟住一齊做.....咁都好証明佢哋兩個唔怕羞, 仲好勇敢上台玩.....
Jacob好乖，同kahkah分享食物...... 唔經唔覺原來我哋行咗成4個幾鐘, 而收穫都唔錯.....
呢個架又真係幾好用喎, 可以令kahkah坐到好直咁畫公仔.....
呢個細嘅都唔錯....
去完書展, 我哋約咗朋友仔食自助餐, 正確嚟講係食蠔加長腳蟹, 因為d蠔係即開即食, 好新鮮, 所以其他食物大家都唔係點食.....而kah媽今日食得特別開心, 因為 Russell哥哥幫我照顧kahkah, 仲餵佢食飯..... 真係要唔該哂Russell 哥哥, 令kah媽可以安心食蠔....
沒有留言:
張貼留言