齊齊學溜冰 ~ 第一堂

今個夏天真係好熱,最好就係室內活動, 所以一班媽媽幫一班百厭星報名學溜冰.....

今日上第一堂.....

由於我哋報咗暑期班,所以一共有七個小朋友, 而我哋佔咗4個.....我哋4個當中, 最乖嘅係瑤瑤, 而另外三個就.....

開始上堂啦, 每人一張櫈仔,排排坐....

Brian老師都未話行, 其中一個百厭星已經自己ug 吓 ug 吓走咗去luu..... 如果我係老師真係頭都痛埋, 捉一個返嚟, 一個又走......

捉哂班百厭星返嚟之後, 老師教佢哋企起身....kahkah已經企咗架啦, 仲係好似坐咁? 因為佢太細粒啦....

冰場入面嘅小朋友好笑, 場外嘅媽媽都好笑, 大家好似追星一族, 狂影呢班小明星....

講返班百厭星, 點解佢哋坐唔定, 自己ug來ug去, 皆因佢哋以為自己真係識溜冰, 要急住自己玩..... 呢位Brian 老師唔單只係溜冰老師, 仲係心理輔導主任,要開解呢班百厭星....

 

 

今堂學咗ug櫈同企, 下堂唔知佢哋會點呢, 老師要唔要搵助教, 幫手睇住呢幾個百厭星呢 ?