整餅日

星期六,高層唔洗返工, 相約一班好友去整餅.

係整餅之前,當然要醫肚先, 約咗蒙古同Queenie去食勝香園..... 真係要同佢哋講SORRY, 因為我哋遲大到, 要佢哋兩個排隊等位....等咗成個鐘, 我哋去到見到條龍都嚇咗一跳.... 如果唔係我哋都無得食 !

食飽飽, 一大班人就去街市買餸, 今晚嘅大厨係 Queenie .....

未去到契媽屋企kahkah已經瞓咗, 但由於時間嘅關係係時候開始整餅啦.... 契媽係今日嘅總指揮, 由佢教大家整蛋撻同雞批 .... 由磋餅底開始.

原來整雞批要用咁多牛油,好肥呀 ! 餅底磋好要雪一陣先可以繼續下一個工序.....而d雞批料都預備好哂

 

好快就應該有得食.....係呢個時候kahkah醒咗加入一齊整餅, 佢話係cooking mama喎 !

佢好似係屋企玩泥膠咁, 玩得好開心 !

 

話咁快d餅就食得luu, 真係好好味 !

d餅都未消化完, 又食啦 ! 今晚好多嘢食呀 !