錦田鄕村俱樂部

好耐無試過咁早起身, 9:00AM 就要集合... 因為我哋今日會去摘士多啤梨 !

原本高層會一齊去, 但佢公司有嘢做, 所以無佢份 ! 今日嘅同行者有表哥Cheuky同媽媽, Nicole, Kahkah同Jasper, 當然仲有kah媽啦 !

去到俱樂部第一個節目就係摘士多啤梨, 一人一個籃,再加一把胶剪去到士多啤梨田到剪剪剪.....kahkah 係第一次去田個到, 佢好興奮係咁剪

,

佢仲學人講, 呢粒無蟲可以剪.... 紅色都可以剪.....剪咗一輪我哋就玩其他嘢.... 先去騎馬, 餵小動物, 再去揸車.....

跟住BBQ, 由於太早起身, BBQ咗一陣Kahkah就無電瞓咗覺luu........

表哥同Jasper 就繼續係草地狂奔......

下一個行程係睇樹屋, 真係好大棵樹.... 佢哋三個仲入咗去玩..... 真係好得意 !

之後我哋仲去咗紅磚屋逛逛....玩咗一日大家都好攰係時候回程返屋企luu.......