2011暑假 ~墾丁之旅 (二) 海洋生物館

2011年7月15日

續上回~~食飽飽豬手我哋就出發去海生館, 司機口中嘅海"鮮"館 ......司機預計3個鐘之後接返我哋, 我哋一齊聲話唔洗咁耐, 但最終我哋遊咗3個幾鐘 !

場館門口有個嬉水池, kahkah當然走咗落去玩, 同海豚玩遊戲 !

呢條隧道係咪似曾相識 ? 可惜呢度比海浪公園靚10倍 !

有契媽同Russell哥哥,我真係輕鬆好多, 佢哋一路行一路介紹,講解 比kahkah聽..... good !

呢個海生館，分開咗幾大展覽館，有台灣海域館,世界海域館,史前生物館.......

仲有兒童遊樂場,3D劇場.......唔怪得知司機話要3個鐘後先接我哋啦 !

終於行到呢個展覽館, 睇企鵝 !




呢度d企鵝好多好生猛, 仲好得意!

 

除咗睇之外, 呢度仲可以比你親親大自然, 唔似香港咁, 可以比你慢慢摸, 仲有專人解釋比你聽, 唔明講到明為止 !

kahkah終於都肯摸吓佢哋 !

呢隻係海兔, 滑lulu,好核突 !

kahkah見企鵝咁得意,當然要同佢一齊返香港啦 !

遊完幾粒鐘之後, 當然要醫肚, 其實一遊完館,我哋趁kahkah瞓覺已經去食咗牛肉麪 !
牛肉麪當然唔可以滿一班大食團友, 所以又去咗夜市 !

大小姐之前瞓咗無食嘢, 同我哋一齊邊行邊食 ! 又有人餵,又有人"擔姐 "

大小姐出巡 !