2011暑假 ~墾丁之旅 (一)

13 July 2011

一開始放暑假, 我哋趁高層有假即刻要嚟個墾丁之旅, 事關高層出trip嘅數量多過kah媽以往做空姐返工嘅數量 !

kahkah一知道有得去旅行好開心, 咁又真係成年未去過luu..... 佢個小喼又係時候出動 !

今日我哋搭中午機,所以可以放慢腳步, 仲可以去lounge 飲杯嘢, (曾幾何時kah媽都係呢個lounge返過工架 ) !

上機啦, mell 係我哋今個trip嘅其中一個成員 !

係短短一個鐘嘅機程, kahkah就瞓足全程, 最好笑係當kah媽叫佢落機, 佢嘅回應係: 吓,咁快,我又未睇卡通片,又未食飛機餐喎 ! 仲有少少想喊 ! 好彩kah媽留起咗杯果汁同朱古力比佢 ! 

出到機場kahkah就比陽光曬曬 !

原來由高雄去墾丁要1.5-2 hrs, 真係仲耐過搭飛機 ! 好咗一路上有風景睇 !
終於嚟到嚟,一落車司機同我哋講呢間就係我哋暑旅館,真係嚇咗一跳, 心諗好似未起好架喎, 因為沿海嘅旅館都好靚, 點解我哋呢間咁嘅 ?

點知一上到去,大家都嘩咗一聲, 好靚呀, 仲好舒服 !
kahkah仲不斷咁又上又落, 不知幾開心 !

 

 

 

如果我哋將來間屋係咁就好啦 !

休息咗一陣就準備出去食飯luu !
墾丁第一餐齊齊去食海鮮 !

今次墾丁團嘅團友 !

食飯,當然要去大街行吓啦 !

待續.......