學校生活近況

唔經唔覺已經下學期, 成班小朋友都大個哂.

依家每朝早,一班自接(家長自己接送)嘅小朋友一見面就會一齊手拖手上樓梯返學 !  由於自接嘅小朋友唔多, 再加上每日放學都排排坐等家長接,所以感情好好.... 就算唔同級佢哋都好熟絡, 個個都識大家個名, 又會交換貼紙, 糖果等... kahkah仲收過一個K2 姐姐寫嘅信  ! 見到佢哋, 真係好開心 !

至於學術方面, kahkah開始寫字 , 一字, 十字, 土字..... 看似簡單, 但對於一個3歲多嘅小孩真係有d難度, 不過kahkah好乖日日都會自己做功課, 仲會自己溫習....

努力 kahkah !

除咗寫字, 佢哋每星期都會去圖書館借書, 仲要做閱讀報告....

雖然多咗一份功課做, 但無所謂啦由小陪養閱讀習慣係一件好事 !至於kah媽就變咗圖書館義工, 幫小朋友借書 ......每日見到唔同級嘅小朋友嚟借書, 感覺好得意, 每個小朋友都有佢哋獨特之處, 仲有每班嘅老師教法唔同, kah媽希望kahkah可以好好係呢間學校成長..... kah媽所見呢間學校嘅小朋友好主動, 好勇敢, 當然仲好有禮貌,唔洗老師提醒都會主動向義工家長們講早晨, 唔該, 就連放學見到都會叫我哋 " 圖書館姨姨 "  !

有禮貌嘅小朋友特別可愛 !