返咗兩個月K1嘅kahkah

唔經唔覺kahkah已經返咗2個月學啦 !

呢2個月, kahkah嘅轉變更加多, 有好都有唔好嘅 !

最開心嘅就係 : 依家每晚大約10點鐘kahkah就會叫開奶瞓覺, 基本上都會入自己間房瞓 !所以第日瞓學無再唔肯起身 ! 起身之後又會自己刷牙洗面換校服 ! kah媽十分知滿意佢嘅表現 !

不過佢都學咗一d 唔好嘅嘢返嚟 !每次kah媽問佢點解要咁做 ? kahkah就會話同學都係咁點解唔得呀 ? 真係比佢激死 !  所以話學校生活對小朋友嘅影響真係好大 !

就好似最近老師派咗一份有關清潔口腔嘅資料比佢, cd 入面話要早晚刷牙, 仲要媽媽補刷 ! kahkah睇完之後不單照住做, 仲要求買牙線刷 ! 一直以來, kah媽都要求kahkah補刷, 但佢從來都唔肯, 點知老師嘅一句話, 佢竟然肯 !

最近老師派咗第一次評估( 完全唔知幾時做)

發現原本kahkah學識咗好多嘢 ,仲認到7個單字, 真係估佢唔到 ! 仲識數數量, 真係有比心機返學喎 !kah媽只係知佢識由1數到30, 但完全唔知佢識數數量 !

依家先啱啱踏入學校生活嘅 kahkah仲有一條好漫長嘅路要行 , 希望你以後都會比心機啦 ! kah媽同高層都會永遠支持同愛護你架 !加油. 加油 !