近期最愛

近期kahkah最愛畫圖畫

某日朝早, kah媽係半夢半醒中,聽到小時候電視成日播嘅畫叮噹.....以為自己發夢,原來kahkah睇緊you tube入面d嘢,唔知點解佢自己搵到呢個畫叮噹嘅片段.....

自此之後佢就日日係度學唱呢首歌, 面唱就一面畫......仲畫得幾似架 !

依家仲學唱日文版.....

本來都諗住比kahkah學畫畫, 但發覺好多畫班都係老師畫outline, 之後小朋友塗顏色, 所以就放棄咗.....見kahkah咁鍾意畫畫, 等kah媽同你一齊畫吓先....

先教佢畫吓牙籤畫, 第一幅kah媽先幫佢用白膠漿畫outline, 跟住叫kahkah自己"滅"牙籤黏上去, 再塗顏色..

....

第二幅由畫outline到塗顏色都係佢自己一手一腳做 !