kahkah 上學去 ~第三天

今日係最後一日家長可以陪小朋友返學嘅日子, 而高層終於趕得到嚟睇kahkah上堂 !

每日返到學校, 小朋友都要先係禮堂早會 ! 做咩咁興奮呢 ?

因為老師係台上教唱歌 !

嚟到第三日,大部份家長已經唔陪小朋友上堂,  不過由於高層無睇過kahkah上堂, 所以成個班房得佢一個家長 !而kah媽今日終於去咗聽校長嘅分享會 !

 

茶點袋櫃 !

 

之前兩日老師將全班分開一半, 今日30 個小朋友係返埋同一個班房......但一d都唔迫, 因為個課室好大! 不過高層話有好多小朋友喊, 一個喊, 其他小朋友就跟住喊, 好似大合奏咁 ! 而小朋友今日可以嘗試食茶點 !

返到屋企, 問kahkah今日係咪食茶點 ? 佢話係, 不過係泥沙味 !點解係泥沙味,  因為一咬就好似泥沙咁跌落嚟, 唔好食, 所以同老師講話飽 ! 咁都比佢諗到 !

老師今日仲派咗精美茶點袋, 手冊比佢哋, 仲貼好哂名添 !

 

三日陪上堂嘅日子已經結束, 下星期無得陪luu, 不過都係返一個鐘 ! 問kahkah下星期自己返學會唔會喊 ? kahkah話唔會, 返學好好玩 !