約會

kahkah今日約咗朋友仔去玩, 今晚kah媽就約咗朋友食飯...唔知kahkah 依家d朋友仔會唔會好似kah媽d朋友咁, 十幾年後都一齊食飯, 一齊玩呢?

我哋約 Megan 同Jacob  一齊去玩, 本來諗住去郊外玩吓, 但呢個星期天氣都唔好, 又落雨,又凍, 所以今次嘅約會只好去室內, 咁就去咗Mega box la .....其實個度都無咩玩, 只係好耐無去過, 又唔想成日去海港城, 所以先去 ! 但唔知點解班小朋友都可以玩得咁開心!

經過一輪狂走狂跳, kahkah 都無哂電, 咁即係話又係媽媽shopping 之時......

不過shop一陣又要走luu., 因為約咗朋友食飯, 今晚嘅飯局, 其中一位係有小朋友嘅 , 所以kahkah 都無咁悶 !話時話,我真係好耐無見過呢個朋友仔啦 ! 讀中學時,我同佢一齊坐嘅, 而我哋上堂成日做自己嘢, 佢睇書, 我織冷衫, 成日比人叫我哋專心d....唔經唔覺大家都有小朋友, 一個3歲, 一個4歲, 時間過得真係快....其餘倆位加油啦, 下次要一人一b!