玩具

又係清玩具嘅時候,kahkah 間玩具房真係似雜物房多d !

 

以前我哋細個都無咁多玩具,  媽咪係十分少買玩具,但由於kah 媽嘅姨媽係開玩具店,所以有一樣好處就係: 每次一有新玩具出, 我哋都可以第一時間玩 !但唔係擁有 !

現今嘅小朋友就幸福得多啦 , 好似kahkah 咁由於佢係全個家族最細, 所有大朋友都當佢係寶,每次家庭聚會佢都有禮物收.再加埋表哥比佢d玩具, 所以攪到咁多, 多到要將廚房放係廳

, 再加一個停車埸添......

 

至於玩具嘅類型都好廣泛, 女仔玩具固然唔少得, bb車, 煮飯仔, 洗衣機, 熨斗, 就連吸塵機都有

就連男仔玩具佢都有(表哥比嘅),巴士唔係一架喎而係一箱, 仲有火車,超人.....

 

總之應有盡有.所以每隔一段時間就要將d唔玩嘅玩具送比朋友, 幸好有媽媽肯接收唔係就浪費啦.....